Chülǘ humá tidoun hanigi gürigia

Tídangiñe anigi láhücha gaganbadi lun Heowá (Ari 3:1). Ligíati, dan le warufudahan áfaagua wamá wachülürün tidoun hanigi ha únbaña warufudahan. Ida lubati wadügüni?

Magufurumada wamá láurügü harufudahani inarüni tídangiñeti Bíbülia. Íderagua huméi arihei le lan lafurendeirubei gani lan luma libagari lau sun lidan lumadagua luma Heowá. Arufudaha humá lun, lun larihini le lan tarufudahabei Bíbülia arufuda tumuti línsiñehabu, lubuidun luma liricha Bungiu. Lau ínsiñeni, adüga humá álügüdahani lun, lun lakutihani ka lan lisaminanbei luagu le lafurendeirunbei. Íderagua huméi asaminara buídutimabei lan libagari anhein ligira le mínsiñebei lun Bungiu. Gúndaatimabadün danme le harihin lueirin línsiñe Heowá lun aturiahati.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU. LAU WÁFAAGUN LUN BUÍDUTIMA LAN WADÜGÜNI KATEI: WÁNHINGICHUNU HANIGI GÜRIGIA, ÓUNABA HUMÉI ÁLÜGÜDAHANI BURÍ LE:

• Ka uagu tálügüdoun Neta, Nirisin anhein saminaaru lubéi luagu le hayanuhabei luagu biama?

• Ida liña tíderagunu Neta, Nirisin arihei arufuda lan lilurudun Heowá hínsiñe tan lun?

• Ida liña tíderagunu Neta, Nirisin lun tarufuduni lun Heowá hínsiñe lan tun?