GARUFUDAHADI WAMÁ | GÚNDAATIMA HUMÁ LIDAN MINISTERIU
Arufudaha humá houn aturiahatiña lun haganwoundagüdüni hasubudin luagu Bungiu
Lun gayara lan hasubudiruni aturiahatiña Heowá luma lun aban hamá kristiánu derebugu tafiñen, moun lumuti lúnrügü lan herederun lau arufudahani létima súdinitimabei le tídanbei Bíbülia (Mt 5:3; Ebü 5:12–6:2). Lunti hasigirun aganwoundagüdei hasubudin luagu Bungiu.
Lúmagiñe furumiñe harufudahan lun, arufudaha huma lun aturiahati lun laranserun luba laturiaha tídangiñe Bíbülia, ani incha huméi lun ladügüni (mwb18.03 6). Afuranguagüda huméi lun súdini lan furíei lubaragiñe lagumeserun gürigia aturiaha lábuguarügü. Íderagua huméi lun layusurunu agumeiraguagüdüni to burí lídanboun Internet lun laturiahan luma lun gabügürügua lan lakutihani ariñahani le lídanbei jw.org luma lidan JW Broadcasting®. Murusun murusun, ínchaha huméi aliihoun Bíbülia sagü weyu, aransera luba adamuridaguni luma lun láluaha óunabagülei lun burí álügüdahani. Ínchaha huméi giñe lun lasaminarun luagu le lafurendeirunbei.
LÁRIGIÑE HARIHINI BIDÉU ÍDERAGUA HUMAÑA GÜRIGIA HA ÚNBAÑA HÍCHIGA ATURIAHANI LUN HASIGIRUN AGANWOUNDAGÜDEI HASUBUDIN LUAGU BUNGIU, ÓUNABA HUMÉI ÁLÜGÜDAHANI BURÍ LE:
Ida liña tíderagunu Neta Nirisin lun gunfuranda tani mámarügü lan líchuguniwa óunabagülei lun burí álügüdahani aturiahani?
Ka íderagubarun Nirisin lun tachoururuni linarün lan Heowá lau lamahadun lun magíaguni?
Arufudaha humá houn gürigia ha aturiahatiña huma lun gunfuranda hamani le haturiahabei luma lun hawinwanduni.
Ka gunfuranda tubéi Nirisin lau le mini lubéi lararamun gürigia asaminara?