Gunfuranda humaña gürigia

Dan le gunfuranda wamaniña gürigia, mini lan gunfuranda wamani le hasaminarubei, le hasandirubei, le hínsiñebei houn luma le hemegeirubei. Arihúati igaburi le ladüga tídangiñe lan anigi láhücha híderawagun amu. Ánhawa arufuda lidan ministeriu gunfuranda wamaniña gürigia wáyeihañein ínsiñeni le lasandirubei Heowá hawagu gürigia, ani adügati katei le lun busén hamá hasubudiruni (Fili 2:4).

Gunfuranda wamaniña gürigia mama aban lídangiñe ligaburi warufudahan. Arihúati gunfuranda wamaniña lau waganbuniña, wayanuhan wóuseruniña luma luagu wagibu. Ani arufuda wamuti lidan ámuñegueinarügü igaburi: lau webereserun tídangiñe sun wanigi hau, lau burí gabaroun wamani le hínsiñebei houn, ka lan hafiñebei, ka lan gádanbaliña, lau wadundehaniña luma wíderaguniña, gama lumoun sin wadügüdarun hawagu. Dan le hánharun gürigia ha únbaña wapurichihan gúndaatimatiwa lidan wani ministeriu.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU LAU WÁFAAGUN LUN GUNFURANDA WAMANIÑA GÜRIGIA ÓUNABA HUMÉI ÁLÜGÜDAHANI BURÍ LE:

• Ida liña tarufudun Neta gunfuranda tániña gürigia dan le tadarasaragunbei Nirisin?

• Ida liña tarufudun Neta gunfuranda tániña gürigia dan le tariñagubei Nirisin tun gibe lan katei lun tíchugun ligía lan maturiahan tubéi?

• Ida liña tarufudun Neta gunfuranda tanu Nirisin dan le tariñagubei tun chagagua lan katei túbiñe?