Adundehani lun ménrengun lan adamuridaguni lubá apurichihani

Adamuridaguni le adügübei lubá apurichihani, ítara kei sun adamuridaguni le adügübei tidan Luban Wadamuridagun, aban idewesei le ledewehabei Heowá woun lun línchahaniwa arufuda ínsiñeni luma lun wadügüni wadasin buidu (Ebü 10:24, 25). Lidan adamuridaguni le, ñein laransehóua lubá háfuridun íbirigu apurichiha, lariñawagún halíaba lan hapurichiha luma ladügün furíei, lunti ladurarun 5-7 minutu. Anhein adügǘwa adamuridaguni le lárigiñe aban adamuridaguni, lunti madura lan saragu. Le lunbei ladundehani adamuridaguni le lunti laranserun buidu ani ménrengun ligíame adundehani le lunbei líchuguni hóuntima ha lúnbaña háfuridun apurichiha weyu ligía. Kei hénpulu, samudi dan le añahein lan saragu íbirigu ha máfuridunbaña apurichiha labadinagua dimaasu, gayaraabei ménrengun lan lun láguyuguagüdüniwa le lunbei lariñawagún lidan apurichihani. Ka amu ariñahani gayaraabei buídubei lan.

• Le lunbei lariñawagúniwa lidan apurichihani Le Lunbei Ladügǘniwa lidan adamuridaguni Habagari kristiánugu luma Heseriwidun.

• Layusurun aban sügǘ o aban uganu le málügili, lun lagumeserúniwa aban yanu.

• Ida luba lan lounabún lun aban lídangiñe katei le hariñagubei gürigia lidan fulasu le ñein lubéi wapurichiha lun hararamuniwa luéi wapurichihan houn.

• Ida luba wóunabuni aban gürigia le ariñagubei ua lan Bungiu, o le ariñagubei saliguarügü lan katei lungua, o aban le ayanuhabei amu iñeñe o le tídangiñeti aban relihión to úati kamani tan lidan fulasu le ñein lubéi wapurichiha.

• Ida luba hayusuruni páhina jw.org, JW Library^® o Bíbülia.

• Ida luba wayusurunu agumeiraguagüdüni tótima wayusuruboun lidan wapurichiha.

• Fiu katei luáguti ministeriu kei burí apurichihani luéigiñe gágamuru, wapurichiha tau gárada, lidan guririguaü, tau garüdia o wíchugun aturiahani tídangiñeti Bíbülia.

• Aritaguagülei luáguti ichouruni, wasansiruni le lunbei wariñaguni, buidu lan warufudun lubuidun igaburi, katei líbeina lira.

• Aban leksióun o bidéu tídangiñe garüdia Buídutima lan waliiha luma warufudahan.

• Ida luba wínchahani luma lun wíderaguni wani paaná lidan apurichihani.

• Aban bérusu le úarati luma wani ministeriu o aban sügǘ le ruti gurasu.