Danme le wapurichihan, írida wamá somu sügǘ le anügübei fulasu uguñe weyu

Dan le meha lapurichihanbei Hesusu ubouagu, ayanuhati meha luagu sügǘ le anügübei fulasu lidan lidaani lun larufudahan katei súdiniti (Lk 13:1-5). Gayaraati giñe hayanuhan luagu sügǘ le anügübei fulasu uguñe weyu lun hínchahaniña gürigia lun haganbuni uganu luáguti Larúeihan Bungiu. Lárigiñe hayanuhan luagu liserun ibagari, hayusurun gürigia düroga, hadügün chagaguaü, luagu somu hárabaganali, herigini o katei líbeina lira, adüga humá aban álügüdahani houn gürigia le adügati lun hasaminarun. Kei hénpulu: “Afiñetün san lachülürüba lan dan lun lagumuchun…?” o “Ka hasaminarubei ligía lan láranibei…?”. Lárigiñe, arufuda humá aban bérusu tídangiñeti Bíbülia le ayanuhati luagu katei ligía lun gürigia. Anhein arufuda gürigia busén lan lasigirun afurendeira, arufuda humá aban bidéu lun o derege humá aban tídangiñe agumeiraguagüdüni tótima wayusuruboun lun warufudahan lun. Houcha wamá wachülürün tidoun hanigi gürigia ha lídanbaña fulasu le ñein lubéi wapurichiha ani adüga waméi sun katei “luagu línsiñe uganu le lánina asalbaruni” woun (1 Ko 9:22, 23).

Ka katei gayaraabei lachawahani haritagun gürigia ha lídanbaña fulasu le ñein lubéi hapurichiha?