WABAGARI KEISI KRISTIÁNUGU
Buidutimalá wadügüni katei: Sansi huméi le lunbei hariñaguni anhein mégeiwa
KA UAGU SÚDINI LUBÉI? Agunbirahatiña kristiánugu anuadirúaaña hama amu mudún sun hawuyeri gürigia lun hatun “lídangiñe duna le íchugubei ibagari, mafayeihanga luagu” (Aruf 22:17). Lau dimurei duna layanuhóuña luagu sun le adüga láalibei Heowá lun lesefuruniña gürigia gaganbaditiña lídangiñe óunweni luma figóu. Lun gayara lan wíderaguniña gürigia ha ámuti hechun luma le hafiñerubei, mosu wayanuhan luagu “uganu le magumuchaditi” lidan aban igaburi le adügati lun busén lan kada gürigia laganbuni (Aruf 14:6).
LE LUNBEI LADÜGǗNIWA:
Anúadira huméi kaba lan uagu hayanuha luma aban bérusu tídangiñeti Bíbülia le gayaraati lánhingichunu hanigi gürigia ha lídanbaña fulasu le ñein lubéi hapurichiha. Gayaraati hanúadirun aban lídangiñe katei le gayaraabei wariñaguni lidan apurichihani o hasaminarun luagu somu ariñahani le yúsuñaha humaali ani adügati lun busén hamá gürigia haganbun. Ka burí katei o ka burí bérusu unbei hóunaba gürigia buidu? Kátima ñunsu uágubei hayanuha gürigia lidan weyu burí le? Ka burí katei uágubei habusenra wügüriña hama würiña haganbun?
Danme hayanuhan, gabaroun huméi hechun gürigia luma igaburi le ídanbei habusuragua lidan fulasu le ñein lubéi hawinwanda (2 Ko 6:3, 4).
Subudi humóun agumeiraguagüdüni luma burí bidéu le tídanbei Agumeiraguagüdüni tótima wayusuruboun lun warufudahan, ítara gayaraabei hayusuruni hama ha arufudubaña busén hamá hasigirun afurendeira.
Rarigüda humá ariñahani lidan burí iñeñein le hayanuhabei gürigia lidan fulasu le ñein lubéi hapurichiha.
Sansi huméi le uágubei hayanuha según le lemegeirubei gürigia (1 Ko 9:19-23). Kéiburi kaba lan hamuga hariñaga ánhadün íchiga fe sun liña lan lounwen liduhe o lumada gürigia le unbei hapurichiha?
ARIHA HUMÉI BIDÉU, ÁBAMETI HÓUNABUNI ÁLÜGÜDAHANI BURÍ LE:
Ka uagu layanuha íbiri dan le lagumeserunbei apurichiha lun gürigia?
Ka uagu ladiherida gürigia?
Ka bérusu buídutimabei lidan kesi ligía ani ka uagu?
Ida liña hasansiruni le hariñagubei lun hadügün lun busén lan gürigia laganbuni uganu lidan fulasu le ñein lubéi hapurichiha?