Hasagaruña san buiti tídangiñe Bíbülia to aganbahóuarügütu?

Katoun san Bíbülia to aganbahóuarügüboun? Traducción del Nuevo Mundo to chéküwaaruboun, to áfuriduboun murusun murusun lidan ámuñegueinarügü iñeñein. Aban katei le adügübei lun espechali tan, anihein lan ámuñegueinarügü umalali lidan taliihóun. Lanwoun lira, aliihóuati bérusu burí le tídanbei lau ubebeni ani rúati ibagari lun, le adügübei lun gayara lan gunfurandawa lan le aliihóubei buidu buidu.

Ka buiti asagarúbei tídangiñe Bíbülia aganbahóuarügütu? Saragu ha héchubaña aganbahei taliihóun Bíbülia winwan hamuti le aliihóubei. Dan le haganbuni hamalali ámuñegueinarügü gürigia ha uágubaña tabahüdaha Bíbülia, aba lidin hasaminan lidoun le hásügürübei, ábati gunfuranda hamani abahüdaguni ligía buidu (Ari 4:5). Ani ariñagatiña amu adüga lan laganbahóun taliihóun Bíbülia lun darangilu lan hasandiragun houngua dan le nidiheri hamá (Sal 94:19).

Adügati laganbahóun taliihóun Lererun Bungiu lun buidu lan lidin houn lidan habagari (2 Kr 34:19-21). Anuhein san Bíbülia aganbahóuarügütu huma, to dayarütu o murusun tídangiñe, lidan iñeñein le gunfuranda hubéi? Ka uagu máfaagun hubéi lun haganbahanu sagü weyu?

LÁRIGIÑE HARIHINI BIDÉU BÍBÜLIA AGANBAHÓUARÜGÜTU: ARIHA HUMÉI IDA LIÑA LAN TADÜGǗN (MURUSUN LÍDANGIÑE), ÓUNABA HUMÉI ÁLÜGÜDAHANI LE:

Ka aweiridagüdübarun hanigi dan le haganbahani taliihóun Bíbülia?