Wani Páhina lánina Internet: huuti lun wíderagun somu gürigia le adimurehabei amu iñeñein
Arufuda huméi páhina jw.org lun. Íderagua huméi anúadirei iñeñein le ladimurehabei tidan “Lísüta lánina Iñeñein”. (Anihein iñeñein le ídanbei ua lan sun seksióun.)
Arufuda humá aban páhina lun gürigia ligía lidan liñeñe lidan páhina jw.org. Gayarati taliihóun ámuñegueinarügü agumeiraguagüdüni lidan Internet, kéiburi líburu Kátima san o tratadu Hasubudiruni inarüni. Dará humá aban, ábame hanúadiruni iñeñein le ladimurehabei gürigia ligía tidan lísüta “Aliiha huméi lidan”.
Ígira humá lun laganbun aban arütíkulu lidan liñeñe. Darí humá aban agumeiraguagüdüni to aganbahóuarügütu ani amisuraha huméi gürigia ligía lun laganbun murusun lídangiñe. Anhein hafurendeiruña lubéi amu iñeñein, furendeitima humá aliihei buidu lau haganbahani gürabasión lidan iñeñein ligía. (Belú humá lidoun “Agumeiraguagüdüni/Líburu burí tuma garüdia” o lidoun “Agumeiraguagüdüni/Garüdia Atalaya tuma ¡Despertad!”.)
Ru huméi uganu buiti houn maganbuntiña. Ánhadün adarira aban gürigia le maganbunti, arufuda humá aban bideu lánina aban kapítulu tídangiñe Bíbülia lun, o aban líburu, o aban garüdia o somu tratadu lidan seini le ídanbei ladimureha. (Belú humá lidoun “Publicaciones/Lenguaje de señas”.)
[Iyawaü to lídanboun páhina 6]
(Lun harihinu lidan formatu le ídanbei tasalira furumiñe, ariha humóun agumeiraguagüdüni)
Houcha huméi
1 Adüga humá aban klikü luagu ▸ lun haganbuni gürabasión (anhein anihein lubéi lidan hiñeñe), o adüga humá klikü luagu aban lídangiñe budún le lábugiñebei dimurei “Opciones de descarga” lun harariragüdünu agumeiraguagüdüni.
2 Lun harihini páhina lidan amu iñeñein, anúadira humá aban iñeñein tídangiñe lísüta “Aliiha huméi lidan”.
3 Adüga humá klikü lidan “Le aban” o luagu aban lídangiñe iri le lídanbei “Tila” lun haliihan amu arütíkulu o kapítulu.