Wani Páhina lánina Internet: huuti lun waturiahan wábugua luma lidan familia
Aliiha humóun Garüdia Atalaya tuma ¡Despertad! lidan Internet. Aliiha humóun Garüdia Atalaya tuma ¡Despertad! lidan páhina jw.org saragu dimaasu lubaragiñe tachülürün lidoun damuriguaü. Gayarabei giñe haganbahanu lidan gürabasión lidan chumagü luma lidan amu burí iñeñein. (Belú humá lidoun “Agumeiraguagüdüni/Garüdia Atalaya tuma ¡Despertad!”.)
Ariha huméi arütíkulu burí le áfuachubei lídanrügü Internet. Ñeinbei burí arütíkulu le lunbei lídanrügübei lan wani páhina lidan Internet láfurida. Anihánba fiú lídangiñe “El rincón del joven”, “Mis primeras lecciones de la Biblia”, “Actividades para la familia” luma “Los jóvenes preguntan”. Akutiha humá fiú lídangiñe burí arütíkulu le danme le haturiahan hábuguarügü o danme le háhuduragun lidan familia. Guentó, lídanrügübei chumagü o amu burí iñeñein hadarirei seksióun burí le. (Belú humá lidoun “Enseñanzas bíblicas/Niños” o lidoun “Enseñanzas bíblicas/Jóvenes”.)
Ru humá fe luagu burí iseri ñunsu. Ibiha huméi dǘgüdaguaü le líchugubei burí sügǘ luma ariñahani le lídangiñeti ámuñegueinarügü ageiraü, ariha huméi giñe bideu burí le arufudubalin ida liña lan lawanserun wadagimanu lánina apurichihani lidan ámuñegueinarügü fulasu ubouagu. Hadariruba giñe ñunsu luagu günringuaü burí le lanügübei hárabaganali, herigini o katei líbeina lira, híchuguba giñe fe luagu burí éibaahouni le úmabei hagagibudagua wíbirigu, lídehabati katei le lun gayara lan furangutima lan hafurieidun lun Heowá hawagu (Sant. 5:16). Hadarirubei ariñahani le lidan chumagü o lidan amu burí iñeñein. (Belú humá lidoun “Noticias”.)
Áluaha humá ariñahani tidan Líburu-agei lidan Internet. Anhein anihein lubéi seksióun le lidan hiñeñe, yusu humóun hikonputadoran o higagamurun lun haliihani bérusu lánina sagü weyu lidan páhina jw.org o lun háluahan ariñahani tidan agumeiraguagüdüni to málügiru lúmagiñe táfuridun. (Belú humá lidoun “Publicaciones/Biblioteca en línea” o abürüha humá www.wol.jw.org lidan fánreinti le ídanbei habürüdei liri páhina le háluahabei lidan Internet.)
[Iyawaü to lídanboun páhina 4]
(Lun harihinu lidan formatu le ídanbei tasalira furumiñe, ariha humóun agumeiraguagüdüni)
Houcha huméi
1 Danme le hadügün klikü tuagu iyawaü o luagu dimurei le anügübei lidoun lanwoun ariñahani, hadarirubei arütíkulu ligía lidan formatu PDF. Imprimírü huméi ani awadigimarida humá luagu úara hama hisaanigu.
2 Adüga humá klikü luagu sínbolu lun léibaagun bideu lun gayara lan harihini.