Sigí humá arufuda ínsiñeni hawagu wügüriña hibe ha

ÓUNDARAGUHAÑA lílana Sétanu le Arihibei lau Hawadigimari Gefentiña luagu Heowá lidan sun Ubóu lidan sisi sétanua. Lúmagiñe lidan irumu 1992, gumesetiña anúadaha wéiyaaña lidan afiñeni ha lǘhaña eseriwida lun Heowá lun hídehan lidan sisi sétanu ligía. Sun ídehatiña hagía hádangiñetiña “amu mudún” (Huan 10:16). Ñǘdüntiña íbirigu ha lidan adamuridaguni dimaasu-auti le ladügübei sétanu le ídanbei hídeha, rútiña ariñahani le hámagiñeti lílana Sétanu le Arihibei lau Hawadigimari Gefentiña luagu Heowá ani rútiña giñe adundehani. Lílana Sétanu le Arihibei lau Hawadigimari Gefentiña luagu Heowá hagía desidírübaña kaba lan adügǘwa, ani aba hachoururuni ídehatiña ladügǘn le ariñawagúbei. Aranseñu haña lun hadügün furumiñeguarügü wadagimanu le ichugúti houn. Aweiyasuhatiña giñe hama lílana Sétanu le Arihibei lau Hawadigimari Gefentiña luagu Heowá lidoun burí adamurini le adügǘbei lidan saragu ageiraü. Anihein giñe dan ñǘdüntiña abisidaha amu burí sukursáli lidan hiri íbirigu ha nadagimeinbaña tidan sukursáli to wéiritimaboun.

Aban íbiri le íderagubaliña lílana Sétanu le Arihibei lau Hawadigimari Gefentiña luagu Heowá lúmagiñe irumu 1992 ariñagati dan le lan lagunfulirun lau luadigimari buidu, ídehati lan lun hetenirun lílana Sétanu ligía lun wadagimanu le ru láalibei Bungiu houn. Ábanya íbiri le barühalibei 20 irumu íderaguaña íbirigu ha ariñagati masaminarun lan yebe libihubei lan lubuidun chansi le.

Rúhali Sétanu le Arihibei lau Hawadigimari Gefentiña luagu Heowá saragu buligasion houn íbirigu úaraguatiña ha ani gebegiti hawadigimari houn. Mosu warufudun ‘ínsiñeni’ hawagu íbirigu ha (Filipuna 2:29).