Gefentiña luagu Heowá: aranseñu lun hapurichihani uganu buiti
Wagía gefentiña luagu Heowá, barühadiwa lóugiñe san irumu aranseñu lun wapurichihani uganu buiti. Seremei apurichihani, wadagimanu le wéiritimabei lidan sun dan, ligía laganbúña lubéi uganu le wanügübei lidan saragu san iñeñei luma lidan lóugiñe 230 ageiraü luma fulasu (Mat. 24:14). Ka uagu mégeiwa lubéi wadagimanu le? Ida liña gayara lubéi ladügǘniwa lidan sun ubóu? Ru lumuti bideu Los testigos de Jehová: organizados para predicar las buenas nuevas óunabagülei, lau lafunranguagüdüni saragu katei luáguti wadagimanu le wadügübei lidan sun ubóu. Lárigiñe harihini bideu le, houcha humá hóunabuni álügüdahani burí le.
Ida liña líderagunün bideu le, lúntima laganwoundun eteingiruni le hasandirubei 1) luagu áfaaguni le ladaagubei lóundarun Heowá, lun lapurichihóun uganu buiti? (2 Tim. 4:2.) 2) hawagu familia Beteli ha lídanbaña sun ubóu? 3) luagu programa lun larufudahóun houn misioneru luma houn óunigirutiña distritu luma sirkuitu? (2 Tim. 2:2.) 4) luagu lisudinin wagumeseruni weyu lau waturiahani bérusu lánina sagü weyu, luma lun waranserun lubá kada adamuridaguni sagü dimaasu? (Adü. 17:11.) 5) luagu burí buiti le weresibirúbei dan le wadamuridagun? (Ebü. 10:24, 25.) 6) luagu abinirúni burí le lunbei weresibiruni danme le paraísuhali Ubóu? (Isa. 11:9.) 7) luagu lubuidun chansi lánina wawadigimaridun lidan alubahóuni uguñe weyu? (Huan 4:35.)
Aban tulu buiti bideu le, lun híderawagun gürigia ha busenbaña buídutima lan hasubudiruni wadagimanu le hadügübei gefentiña luagu Heowá lidan sun ubóu. 8) Ka dan buídutimabei lun warufuduni bideu le, houn ha aturiahabaña Bíbülia, houn waduheñu, luma houn amu gürigia? 9) Ka efekütu lánibei bideu le hawagu gürigia ha ariha hamaalibei?
Dan le hulili lan wasaminarun luagu sun le ladaagubei Heowá uguñe weyu, hingí lumutiwa lun úara wamá luma le labürüdübei abürühati Sálumu: “Nabureme, Nubungiute, gíbeti katei buíduburiti le adüga báalibei luma lubuidun aritaguni le burí bídanbei woun. Úati ni kata bibe!” (Sal. 40:5). Yusu waméi bideu le lun wíderagun amu gürigia lun hasandirun aban óunwenbu inebesei luagu Heowá luma luagu lóundarun.