Buidutimalá wadügüni katei: arufuda wamá berese wamá hau gürigia
Ka uagu súdini lubéi? Bereseti meha Hesusu hau amu gürigia. Lidan aban ókaasion, dan le lareidaguagüda lubéi aban maganbunti, aba ladiñuruni dise luéi harihin gürigia, háfuga ladüga larihin masandiragun lan wügüri ligía lungua buidu (Mar. 7:31-35). Saminati meha hawagun lani disipulugu, ligíati mabuinchagüdün lubaliña lau saragu ariñahani ladüga subudi lumuti meha lébeha le hayaraabei gunfuranda (Huan 16:12). Anihagua Hesusu arufudei berese lan hau amu lúmagiñe siélugiñe (2 Tim. 4:17). Áfaaguatiwa, wagía kristiánugu inarünitiña, lun ítara wamá kei ligía (1 Fe. 2:21; 1 Huan 3:16, 18). Lun wibihin buiti resultóu lidan wani ministeriu, mosu wasaminarun hawagu gürigia, gabaroun wamani gádantiña, le hínsiñebei houn luma hadiheri. Busentimabaña haganbuniwa anhein hariha mámarügüñein lan lun wíchugun aban uganu o wígirun agumeiraguagüdüni houn woudin hábiñe, adüga wamani giñe ladüga berese wamá hau.
Houcha humá hadügüni le lidan sun hati:
Danme háhuduragun lun Bungiu úara hama hiduheñu o lidan apurichihani, asayaha huméi ida luba lan haranseraguni le hasaminarubei hariñagun lun hadimurehan luagu katei le uágubei labusenra gürigia ladimurehan.
Gayaraati giñe lakutihan íbiri le lunbei larihin lau adamuridaguni le adügǘbei lubá apurichihani ida luba lan warufudun berese wamá hau gürigia, o larufudún aban sügǘ.