Aranse wamá lubá Aritaguagülei
Chülüha meha weyu 13 lidan hati nisán, irumu 33. Subudi laali meha Hesusu ligíaba lan lagumuhóun guñoun lásügürün hama lumadagu ha úmabaña buídutima lan lanaagun lungua lubaragiñe lafarúniwa hilagubei. Lefeduhaali meha lagumuhóun Luéyuri Esefuruni hama, lárigiñe, ábame lasansiruni efeduhani ligía luagu Ladinerun Aburemei. Kei meha weiri lubéi lisudinin adamuridaguni ligía, mosu meha ladügǘniwa aransehani buiti lubá, ligía lóunahanbalin Féduru luma Huan adügei aransehani le mégeiwabei (Luk. 22:7-13). Lúmagiñe dan ligía, súdiniti lun haranserun kristiánugu lubá Aritaguagülei (Luk. 22:19). Ka lunbei wadügüni lun waranserun lubá Aritaguagülei le lunbei lanügün fulasu 3 lidan gádürü-hati?
Aransehani le lunbei hadügüni lílana damuriguaü:
Hadügüni sun hayaraati lun hafanreinhanu amisuraagülei lubá Aritaguagülei.
Hadügün aban lísüta lau hiri gürigia ha aturiahabarun Bíbülia hama, haduheñu, hapanaagu leskuelarugu o lidan wadagimanu o amu hasubudiragun lun hamisurahaniña lidoun Aritaguagülei.
Haliihani bérusu tídangiñeti Bíbülia le anúadirubei lubá lidaani Aritaguagülei, ráramagua hagíame asaminara luagun.
Híchuguni buiti achülürüni houn sun ha achülürütiña lidoun Aritaguagülei.