Arufudaha humá lau bidéu, iyawaü luma dibuhu

Agumesehani 15:5

LE LUNBEI HADÜGÜNI: Yusu humá bidéu, iyawaü luma burí dibuhu lun híderaguniña gürigia lun ménrengun lan houn gunfuranda hamani luma haritaguni puntu le súdinibei.

IDA LUBA HADÜGÜNI?

• Yusu humá katei le arihúarügüti lun buídutima lan harufudahan. Yusu humá iyawaü, dibuhu, kuáduru lánina ariñahani, mapa, laini le arufudubalin dan le ídanbei lasusereda katei o amu katei arihúarügüti lun hafuranguagüdün katei súdiniti, mama le maweirinti lisudinin. Íderagua humaña gürigia ha aganbubalün lun haritaguni puntu le habusenrubei harufudahani houn, mámarügü láamuga le harihagüdübei houn haritagua.

• Chouru huméi ariha hamani gürigia le habusenrubei harufuduni houn.