LEKSIÓUN 13
Arufuda huméi ka lan un lahuuda ariñahani
Ariñawagúni 3:21
LE LUNBEI HADÜGÜNI: Íderagua humaña gürigia arihei ka lan un lahuuda le harufudahabei houn lidan habagari ani arufuda huméi houn ka lan lunbei hadügüni lau le hafurendeirubei.
IDA LUBA HADÜGÜNI?
Samina humá hawagun gürigia ha úmabaña hayanuha. Ráramagua humá asaminara ka lan uagu megei habéi gürigia haganbuni le lunbei hariñaguni houn ani ariha huméi kábatima lan lídangiñe ahuuda houn.
Eibu lawanserun hayanuhan, adüga humá lun furangu lan harihini gürigia ka lan lunbei hadügüni. Lúmagiñe lagumeseha, lunti hasaminarun súngubei: “Huuti ariñahani le nun!”. Danme híriduni kada puntu le súdinibei, afuranguagüda huméi ida luba lan hayusuruni gürigia lidan habagari. Furangu humá.