Le gayaraabei wariñaguni tuagu garüdia

Garüdia Awisahatu Unsu-hati-duusu-hati

“Subuditi san hun ka lan uagu gefentiña lubéi luagu Heowá wíribei? [Ígira humá lun lóunabun gürigia.] Tídangiñe Bíbülia wasagarei iri le. Ariñagati Bungiu tidan gani lan gefentiña. [Aliiha huméi Isaíasi 43:10.] Lánigu Bungiu gefentiña wagía ladüga subudigüda wamani luganute houn amu gürigia. Gíbetiña gürigia asaminarutiña saragu katei le mámagu ligía wawagu. Tíderagubadün garüdia to asubudirawa buidu.”

Kátima san

“Dan le liábingua lamiselu houn gürigia, gíbetiña álügüdagutiña houngua anhein le lubéi lúgubu berese lan Bungiu hau o anhein ru lubéi fe luagu hasufurirun. Adügañaha humaali san álügüdahani le húniwagua? [Ígira humá lun lóunabun gürigia. Lárigiñe, aliiha huméi 1 Féduru 5:7 luma párafu 11 le lídanbei páhina 11 tidan líburu.] Afuranguagüda tumuti líburu to ida luba lan lagumuchun Bungiu lau sun asufuriruni ubouagugiñe.” Arufuda huméi álügüdahani burí le lídanbei lagumeseha páhina 106 lun gürigia.