Lúmagiñe hati le, lidan adamuridaguni le labadinaguabei dimaasu, madügǘnwaalime ǘrüwa fánreinti le ámuñegueinarügüti libügürü le gayaraabei wariñaguni tuagu agumeiraguagüdüni. Lubaragiñe lira, ñeinbei burí yanu le ichugúti keisi hénpulu lidan ubanaü Le lunbei ladügǘniwa lidan adamuridaguni Habagari Kristiánugu luma Heseriwidun lau aban álügüdahani le lánina ebelaagülei, aban bérusu le lunbei laliihóun luma aban álügüdahani le lunbei ladügǘn lun waranseruni üma lubá wagiribudun bisidaña gürigia. Ábanrügübei bidéu lánina ebelaagülei le ichugúbei keisi hénpulu arufudúa kada dimaasu. Danme hadügüni íbirigu hadasin, gayaraabei hanúadiruni kaba lan agumeiraguagüdüni hayusura tídangiñe ámuñegueinarügü ídemuei to wayusuruboun lun warufudahan houn gürigia luma ídaba lan hagumesera ayanuha tuagu, anhein lídanba lubéi furumiñeti bisida o lidan amu burí bisida. Lanwoun lira, lichugúba hénpulu burí tidan garüdia to libügürü le gayaraabei wariñaguni lidan burí bián bisida le lunbei wadügüni lárigiñe. Líderagubadiwa ebelaagülei burí le lun wetenirun lun warufudahan houn “sun ha [...] lúntiñabaña ibagari le magumuchaditi” (Adü 13:48).
Hadasin apurichihatiña: Ánheingubeirügü ariñawagúa amu katei, lunti harufuduni apurichihatiña hénpulu burí luagu le gayaraabei wariñaguni lidan apurichihani dan le híchuguni hadasin.