¿She pa vaĉlanem ĵayu pava religiones?

1. ¿Yivo’yeshch’e t’e lhaĉom’a pava religiones?

Uĵ ti is pa Dios yaichavalha papi ti yen ĉa nanshamitĵat yishi’ lhaĉom’a pava religiones, yich’e pava chiyishi’sha’ne. Taĵ ti chiyisnatesh aĉloĵ pava niysisa tôlh’ejop pava religiones (2 Corintios 4:4; 11:13-15). Chiypeeicha’yesh pava na yi’e religiones ti yefench’e pava vatvatĉlônĵayash chi’ ti yisnatshem pa uĵ niysa’ pap’elh. Ĉaaĵ shta papi pa niysa’ pa lhfanishesh chi’ ti t’acum’e papi nipitosashi. Cavôque aôvteĵem jum papi yen ĉa nanshamitĵat jô pa Dios. Etônch’e na Mateo 24:3-5, 11, 12.

Ĉatin’e na religión yivo’yeshch’e yôĉlôĵei pa Jeova vooi pava religiones niyijô’ach’e yaôvteyan jum pa lhech. Pava lhech vanqu’eiĵatsĵanesh pava ninôvji’ na Biblia yi’ei pa lhjunash pava chiyit’esha ti niyijô’aesh pa Dios chi’ pa vatvafi’. Taĵ pa Jeova ti yen ĉa nitô’ya papu pa yijô’esh pa lhech. Etônch’e na Ezequiel 18:4 chi’ na 1 Timoteo 2:3-5.

2. ¿She pa vaĉlanem ĵayu pava religiones?

Pa Dios ninuesha pava religiones ti yit’esh atesha ti yen pa lhech vooi ti yen nava yi’e na cotsĵaat (Santiago 4:4). Nava Dios Lhasinôĉ lhanquei lhaĉom’a pava religiones niyijô’ach’e “na uj yitsaat Babilonia”. Pava lhnalhus pa Noé ti nijooilhach’e pa uĵ tsha’nu lhech tô’lhesh’e pa religión niyijô’a yi’ei pa yitsaat lhanquei Babilonia. Tatsha ĵayu pa Dios yivômĵatshi yalhataĵesh pava religiones vanĉateĵshiin ti yiteshiyan aĉloĵ papi nivaĉle yi’e nan tuc’ae na cotsĵaat. Etônch’e na Apocalipsis 17:1, 2, 5, 16, 17 chi’ na 18:8.

Taĵ ti pa Jeova yi’van papi isissha’ne yishi’ lhaĉom’a pava religiones niyijô’ach’e. Lhavaatsha naiĵatva’ne papi lhech tôlh’ejop pa yijô’ ti yeiĵatsĵanesh. Etônch’e na Miqueas 4:2, 5.

3. ¿She pa tajulhei ĉa nasnatesh papi yen ĉa nanshamitĵat pa Dios?

Pa Jeova yaichavalha papi yen pa yijô’ pa yen ĉa nasnatesh pa is. Lhe’naa ti yit’eshem ĉa nitaishi pava religiones niyijô’ach’e. Papi ti yen jô pa Dios tatvaich’aĉlaĵ ĵayu. Etônch’e na Apocalipsis 18:4.

Pa nijooilha ti vaf pa Jesús aĉloĵ papi isissha’ne tach’ana jum pava isis ti nifaĉlem papi lhĉachenĵas. Pa Jeova yeiĵatsĵanesh papi lhech pa is ĵaspa ĉ’useemvatsham’in jum. Tajulhei ĉa shtavôôtjôneshch’e papi lhech ĉa shtach’ana jum nava Isis Vani’sesh’e ĉa shtaĵutsĵat shta pa Jeova. Etônch’e na 1 Tesalonicenses 1:8, 9 chi’ na 2:13.

Pa Jeova nishamesh ti t’acuumjulh napi vô’mesh pava religiones niyijô’ach’e chi’ ti ve’lhaelhsham napi yishi’ na religión yivo’yeshch’e. Napi lhech vatĉ’usinatesh’in pa lhc’utsfayashesh pa Jeova, pa lhencheyash napi yôĉlôĵei jô pa Dios chi’ ti isjop ĉa mônlhaasha’ne yinjôt. ¿Lhentaĵ ĉa anômôt’e shta cavôque? Etônch’e na Mateo 19:29 chi’ na 2 Corintios 6:17, 18.

4. ¿She pa yisnatesh ĵayu pa Jeova ĉa niĉaaĵ pa vatĉ’usiyash yi’e na cotsĵaat?

Uĵ ti tajulhei pa Jeova yivômĵatshi ĵayu pava religiones niyijô’ach’e. Lhe’naa ti pava lhech sasjop ĉa niteeĵshiin papu ĵô’taĵesh ĉa niĉatsônĵat papi nivaĉle. Lhaĉom’a papi nivaĉle ve’lhasham ti yôĉlôĵei ĵayu pa Dios yijô’. Côque lhech nava isis ti nifaĉ pa Dios. Etônch’e na Apocalipsis 18:20, 21 chi’ na 21:3, 4.