Ri rachibʼil ri Tataʼixel man nkibʼän ta itzel taq bʼanobʼäl

Ri Satanás yojrunim richin nqabʼän ri man ütz ta. We nqajoʼ yojok rachibʼil ri Tataʼixel, nkʼatzin itzel nqatzʼët ri man nqa ta chuwäch ri Jehová (Salmo 97:10). Ja reʼ jujun bʼanobʼäl ri man tkibʼän rachibʼil ri Tataʼixel:

Mak ruma tzʼiläj taq bʼanobʼäl. «Rïx ri ixkʼulan man tikanoj jun chik» (Éxodo 20:14.) Man ütz ta jun kʼulaj winäq nkikʼwaj kiʼ xa majani e kʼulan ta (1 Corintios 6:18).

Qʼabʼarïk. «Man xtiyaʼöx ta qʼij chi ke richin xkeʼok pa rajawaren ri Dios [...] ri yeqʼabʼär» (1 Corintios 6:9, 10).

Kamisanïk chuqaʼ tzaqoʼn. «Man tibʼän kʼa kamïk.» (Éxodo 20:13.)

Eleqʼ. «Man kixeleqʼ.» (Éxodo 20:15.)

Nojin tzij. Ri Jehová itzel nutzʼët ri «tzʼukuj tzij» (Proverbios 6:17).

Chʼayonïk chuqaʼ chaponïk. «Ri niqa chi kiwäch ri yekamisan [yechʼayon] itzel yerutzʼët ri Jehová» (Salmo 11:5). Chupam ri «bʼanobʼäl ri xa ruraybʼal ri chʼakulaj» kʼo ri ‹bʼanoj oyowal› (Gálatas 5:19, 20, CO).

Etzʼanem ruma pwäq. «Man ‹keʼawachibʼilaj› ri [...] yeʼajowan chi ronojel kikʼin ta rijeʼ kʼo wi» (1 Corintios 5:11.)

Ri itzel natzʼët ri jun chik kijatzul, kitinamit. «Kan keʼiwajoʼ kʼa ri yeʼetzelan iwichin [...]; tikʼutuj ri rutzil ri Dios pa kiwiʼ ri yeʼoqotan [...] iwichin.» (Mateo 5:43, 44.)

Ronojel ri nuqʼät ri Tataʼixel chi qawäch, xa utzil chi qe. Kʼo reʼ yalan kʼayew nubʼän nayaʼ kan ri itzel taq bʼanobʼäl, ri man yeqa ta chuwäch ri Jehová. Reʼ yatikïr yeʼayaʼ kan rikʼin rutoʼnïk ri Jehová, chuqaʼ kitoʼnïk ri Ruqʼalajrisanelaʼ (Isaías 48:17; Filipenses 4:13; Hebreos 10:24, 25).