PERAJ 13

Rubʼanik nqakikotisaj ranima ri Jehová

Man keqabʼän itzel taq bʼanobʼäl (1 Corintios 6:9, 10).

Ri bʼanobʼäl ri man yeqa ta chuwäch ri Dios: ri elëqʼ, ri qʼabʼarïk, ri rutijik drogas, ri nyaʼöx kiqʼij chuqaʼ ri chʼonïk kikʼin tyoxiʼ

We nqajoʼ ri Jehová man xtqabʼän ta ri itzel nutzʼët rijaʼ.

Ri Jehová man nrajoʼ ta chi yojelëqʼ, yojqʼabʼär chuqaʼ nqatïj drogas.

Ri Jehová itzel nutzʼët ri kamisanïk, ri aborto, ri nbʼe qanima chi rij ri mero, ri oyowal, chuqaʼ chi ri achiʼaʼ o ri ixoqiʼ nkikʼwaj qa kiʼ chi kiwäch.

Man ütz ta nqayaʼ kiqʼij ri tyoxiʼ chuqaʼ yeqabʼän itzinïk.

Chuwäch ri Tikʼasäs Ulew chi qawäch apo man xkekʼojeʼ ta ri bʼanöy taq itzelal.

Tqabʼanaʼ ri ütz (Mateo 7:12).

Ri bʼanobʼäl ri yeqa chuwäch ri Dios: ri ajowabʼäl chi kij ri winaqiʼ, ri man yojelëqʼ ta chuqaʼ nqaküy kimak ri winaqiʼ

Richin nkikot ri Jehová qikʼin, tqakʼamaʼ qanaʼoj chi rij.

Nqakʼüt chi yeqajoʼ ri winaqiʼ toq yojsipan chuqaʼ ütz qanaʼoj nqabʼän kikʼin.

Man kojelëqʼ chuqaʼ man kojtzʼukun tzij.

Tqajoyowaj kiwäch ri winaqiʼ chuqaʼ tqakuyuʼ kimak.

E kaʼiʼ testigos de Jehová nkitzijoj ri Biblia chi re jun achin

Tqatzijoj chi rij ri Jehová chuqaʼ ri rupixaʼ (1 Crónicas 16:23, 24).