Hechos

6 Ye kʼa, taq yïn bʼenäq äl pa bʼey chqä jbʼaʼ ma yinapon Damasco taq ya nuʼän pä nkʼäj qʼij, jun mamaʼ saqïl ri petenäq chlaʼ chkaj chaq kʼateʼ xiruküch. 7 Rma riʼ xitzaq, chrij riʼ xinkʼoxaj jun chʼaʼäl ri xuʼij pä chwä: ‹Saulo, Saulo, ¿achkë rma najin nayaʼ kʼayewal pa nwiʼ?›. 8 Rïn xinbʼij che rä: ‹Tat, ¿yït achkë riʼ rït kʼa?›. Ryä xuʼij chwä: ‹Rïn Jesús ri aj Nazaret, ri achoq pa rwiʼ najin nayaʼ wä kʼayewal›. 12 Chrij riʼ Ananías, jun achï ri kan nusmajij Rpixaʼ Moisés chqä kan ütz ntzʼet kimä jontir ri judíos aj chriʼ, 13 xpë chi ntzʼetik. Xpaʼeʼ chi nxkïn y xuʼij chwä: ‹¡Saulo, wachʼalal, katzuʼun chik jmul!›. Kan xa xuʼ xuʼij ya riʼ chwä, xinyäk njolon y xintzʼët ryä. 14 Ryä xuʼij ya reʼ chwä: ‹Ri kiDios qatiʼt qamamaʼ yaturchaʼon rït rchë natamaj achkë nrajoʼ ryä rchë nbʼan chqä rchë natzʼët ri kan jïk rkʼaslemal chqä nakʼoxaj rchʼaʼäl, 15 rma yït rït ri xkatzjon chkë jontir winäq chrij ri achkë xatzʼët chqä xakʼoxaj. 16 Rma riʼ, ¿achkë ayoʼen? Kakatäj, kaqasäx pa yaʼ y taskʼij rbʼiʼ ryä rchë nkuytäj amak›.