Isaías

2 Taq rït xkaqʼax chkipan ri yaʼ, rïn xkijeʼ awkʼë chqä taq xtaqʼaxaj ri raqän taq yaʼ, rït ma xkajiqʼ ta qa chkipan. Taq rït xkabʼiyïn chpan ri qʼaqʼ, ma xkakʼat ta, chqä ri rxaq qʼaqʼ ma xkatkikʼät ta. 4 Rït kan kowan xbʼejeʼ aqʼij chi nwäch rïn, xyaʼöx aqʼij y rïn kowan yatinwajoʼ. Y awmä rït, rïn xkenjäch winäq chqä tinamït pa kiqʼaʼ nkʼaj chik rchë xkatinköl. 5 Ma ta xiʼij awiʼ, rma rïn yïn kʼo awkʼë. [...] 9 Tkimoloʼ kiʼ jontir ri tinamït chpan jun peraj jyuʼ y tkimoloʼ kiʼ jontir ri winäq. ¿Achkë chkë ryeʼ nkowin nuyaʼ re rtzjol reʼ? ¿Yekowin ryeʼ nkiʼij achkë xkebʼanatäj naʼäy? Tkikʼamaʼ pä kitestigos rchë nkikʼüt chë kantzij najin yetzjon, chë kekʼoxäx y tkiʼij: ‹¡Kantzij wä!›». 10 Ya reʼ nuʼij Jehová: «Rïx yïx ntestigos, ri nsamajel ri xinchaʼ rïn rchë nitamaj nwäch, rchë nikʼuqbʼaʼ ikʼuʼx chwij y rchë nqʼax chiwäch chë rïn ma njalon ta nnaʼoj. Majun ta jun Dios xjeʼ naʼäy chi nwäch rïn y majun ta chik jun xtjeʼ ta. 11 Rïn yïn Jehová, y majun ta chik jun chi nwäch rïn ri xtkowin xkixurköl». 12 «Rïn yïn ri xibʼin riʼ, ri xikolö iwchë chqä xiwesan rtzjol chë kan ke riʼ xbʼanatäj taq majajün ta na jun kidios ri winäq chikojöl. Rma riʼ rïx yïx ntestigos —ke riʼ nuʼij Jehová—, y rïn yïn iDios. 21 ri tinamït ri xinbʼän rïn rchë nkikʼüt chwij rïn chkiwäch nkʼaj chik.