Ütz ütz keʼachaʼ ri awachiʼil

Kʼo kʼïy nqkowin nqatamaj qa chrij ri xbʼanatäj kikʼë ri israelitas taq ye kʼo wä chnaqaj ri tinamït Moab (1Co 10:6, 8, 11). Ri israelitas xeʼok kichiʼil ri moabitas, ri yekiʼän wä tzʼil taq bʼanobʼäl chqä xa kiqʼij tyox nkiyaʼ. Ri ixoqiʼ riʼ xkitzüj apü kiʼ chkiwäch, y ryeʼ xeqä chpan mamaʼ taq mak. Ri xkiʼän xkʼäm pä kʼayewal pa kiwiʼ (Nú 25:9). Pa qaqʼij komä, röj chqä yoj kʼo chkikojöl winäq ri ma nkiyaʼ ta ruqʼij Jehová, achiʼel ri qachiʼil pa samaj, pa tijobʼäl, ri qa-vecinos, ri qa-familiares chqä nkʼaj chik winäq ri qataman kiwäch. ¿Achkë nqatamaj qa chrij re tzʼetbʼäl reʼ chrij ri xtbʼanatäj qkʼë we nq-ok kichiʼil ri winäq riʼ?

TAQ XATZʼËT YÄN RI VIDEO TZʼETBʼÄL RI NKIKʼÜT QA UTZILÄJ TAQ NAʼOJ CHQAWÄCH (KOʼÖL PERAJ), KEʼAQʼALAJSAJ RE KʼUTUNÏK REʼ:

• 

  ¿Achkë itzel taq naʼoj xkajoʼ xkiyaʼ qa Zimrí chqä nkʼaj chik rachiʼil pa rujolon Jamín?

• 

  ¿Achkë rubʼanik xtoʼöx Jamín rma Finehás rchë xjäl ri ruchʼobʼon wä chkij ri moabitas?

• ¿Achkë rma ma junan ta ri ütz anaʼoj naʼän rkʼë jun winäq ri ma nuyaʼ ta ruqʼij Jehová rkʼë ri yatok rachiʼil?

• ¿Achkë rma kan ütz ütz kʼo chë yeqachaʼ na qachiʼil yajün pa congregación?

• ¿Achkë rma ma ütz ta nq-ok chkipan jojun molaj yebʼan pa Internet ri akuchï ye kʼo winäq ri ma qataman ta kiwäch?