Taksaj ri libro Nawajoʼ rït yakʼaseʼ rchë yeʼatoʼ ri nkʼaj chik rchë njeʼ kikʼuqbʼäl kʼuʼx chrij Jehová chqä chrij Jesús

Ri tijoxelaʼ chrij le Biblia kʼo chë kuw nuʼän ri kikʼuqbʼäl kʼuʼx rchë Dios kiʼ rukʼuʼx nuʼän kikʼë (Heb 11:6). Ri libro Nawajoʼ rït yakʼaseʼ ntoʼon rchë ri naʼoj napon pa kan. Chpan re wuj reʼ ye kʼo textos ri kan kʼo kejqalen, ma kʼayewal ta nuqʼalajsaj jun naʼoj, yeqïl utziläj taq kʼutunïk, chqä jaʼäl taq achbʼäl y videos. We yeqatoʼ ri tijoxelaʼ rchë yejeʼ utziläj taq naʼoj kikʼë chqä yeʼok rachiʼil Jehová, xtqaʼän chë majun achkë xtkowin xtbʼanö chë nkʼis qa ri kikʼuqbʼäl kʼuʼx (1Co 3:12-15).

Ye kʼo jojun winäq kʼayewal nuʼän chkiwäch nkinmaj chë ütz yeʼok rachiʼil Dios rma ma nkitzʼët ta. Rma riʼ nkʼatzin yeqatoʼ rchë nkitamaj ruwäch Jehová chqä rchë nkikʼuqbʼaʼ kikʼuʼx chrij.

TAQ XATZʼËT YÄN RI VIDEO KEʼATOʼ RI NKʼAJ CHIK RCHË NJEʼ KIKʼUQBʼÄL KʼUʼX CHRIJ JEHOVÁ RKʼË RI LIBRO «NAWAJOʼ RÏT YAKʼASEʼ», KEʼAQʼALAJSAJ RE KʼUTUNÏK REʼ:

• ¿Achkë rma nqaʼij chë ri qachʼalal kan xtjoj äl riʼ taq xbʼerutjoj ri winäq?

• ¿Achkë chik nkʼaj utziläj taq kʼutunïk xuʼän ri qachʼalal rchë chë ri tijoxel xuʼij achkë nuquʼ chrij ri xskʼij chpan Isaías 41:10, 13?

• ¿Achkë rubʼanik xtoʼ ri tijoxel ri video chqä ri textos ye kʼo chpan le Biblia?

Ye kʼïy winäq ma nqʼax ta chkiwäch achkë rma Jesús xkʼatzin xtöj qamak o ma nkinaʼ ta chë ya riʼ jun spanïk xuʼän Dios chkë (Gál 2:20). Rma riʼ nkʼatzin yeqatoʼ rchë nkikʼuqbʼaʼ kikʼuʼx chrij rukʼaslemal xyaʼ Jesús pa kamïk.

TAQ XATZʼËT YÄN RI VIDEO KEʼATOʼ RI NKʼAJ CHIK RCHË NJEʼ KIKʼUQBʼÄL KʼUʼX CHRIJ JESÚS RKʼË RI LIBRO «NAWAJOʼ RÏT YAKʼASEʼ», KEʼAQʼALAJSAJ RE KʼUTUNÏK REʼ:

• ¿Achkë rma nqaʼij chë ri qachʼalal kan xtjoj äl riʼ taq xbʼerutjoj ri winäq?

• ¿Achkë rubʼanik xksaj ri peraj «Rchë natamaj más» rchë xtoʼ rutijoxel?

• ¿Achkë rma kan nkʼatzin chë ri tijoxel nchʼö rkʼë Jehová?