RI QAKʼASLEMAL RÖJ RI CRISTIANOS

Nawajoʼ rït yakʼaseʼ: kʼakʼakʼ taq samajbʼäl rchë yeqatjoj ri winäq

¡Kan ntel qakʼuʼx rma kʼo jun kʼakʼakʼ qa-libro chqä jun kʼakʼakʼ qa-folleto rchë yeqatjoj ri winäq chrij le Biblia! Nqakʼutuj che rä Jehová chë tyaʼ utzil pa ruwiʼ ri samaj najin nqaʼän rchë yeqatoʼ ri winäq rchë yeʼok rusamajelaʼ (Mt 28:18-20; 1Co 3:6-9). ¿Achkë rubʼanik yeqaksaj re kʼakʼakʼ taq samajbʼäl reʼ?

Kikʼë re wuj reʼ röj nkʼatzin nqajäl rubʼanik yeqatjoj ri winäq chrij le Biblia. Rma riʼ, tabʼanaʼ reʼ taq xtatjoj äl awiʼ chqä taq xtabʼetjoj jun winäq:a

Taskʼij ruwäch ri naʼoj xtitzʼët chqä taquʼ kij ri kʼutunïk.
Taskʼij kiwäch ri textos ri akuchï nuʼij wä chë kʼo chë nskʼïx kiwäch chqä tatoʼ ri tijoxel rchë nqʼax ri naʼoj chwäch ri nkikʼüt qa ri textos riʼ.
Titzʼetaʼ ri videos y keʼabʼanaʼ ri kʼutunïk ri ye kʼo chpan ri publicación.
Tatjaʼ aqʼij rchë ninukʼuj jun tjonïk rkʼë ri winäq ronojel mul ri xtayaʼ rutjonik.

Taq xtatzjoj le Biblia, naʼäy tatzjuʼ ri folleto rchë natzʼët we ri winäq nrajoʼ nutamaj más (tatzʼetaʼ ri recuadro ri kʼo pa ruxaq 16: «¿Achkë rubʼanik natzüj ri folleto Nawajoʼ rït yakʼaseʼ?»). Taq xtakʼïs runukʼuxik ri folleto rkʼë ri tijoxel ye kʼa nrajoʼ na nutamaj más, tatzjuʼ ri libro che rä chqä tichapaʼ rkʼë ri tjonïk 4. We najin chik natjoj jun winäq rkʼë jun chkë ri qawuj, kaqʼax rkʼë ri libro Nawajoʼ rït yakʼaseʼ. Rït xkatzʼetö achkë tjonïk xtachäp rkʼë.

Ri kʼlaj qachʼalal riʼ ye kʼo rkʼë ri kʼajol riʼ pa rachoch y najin nkiksaj ri folleto «Nawajoʼ rït yakʼaseʼ» rchë nkitjoj chrij le Biblia.

TAQ XATZʼËT YÄN RI VIDEO ÜTZ APETIK CHPAN RI ATJONIK CHRIJ LE BIBLIA, KEʼAQʼALAJSAJ RE KʼUTUNÏK REʼ:

¿Achkë naʼoj xtkitamaj ri tijoxelaʼ chpan ri kʼakʼakʼ libro?
¿Achkë rma kʼo chë nakʼüt re video reʼ chkiwäch ri winäq ri xtachäp kitjoxik chrij le Biblia?
¿Achkë ütz naʼij che rä ri tijoxel chë tyaʼ chwäch nuʼän? (Tatzʼetaʼ ri recuadro ri kʼo pa ruxaq 16: «Naʼoj ri kʼo kejqalen y ri ütz nuʼän ri tijoxel»).

a NOTA: Tapeʼ rït xkatzʼetö we ri peraj «Rchë natamaj más» xtanukʼuj rkʼë ri tijoxel o manä, nkʼatzin nanukʼuj äl kiwäch jontir ri naʼoj ye kʼo chpan. Ke riʼ rït xtatamaj achkë naʼoj xtqä chwäch ri tijoxel chqä ri más xtkʼatzin che rä. Ri folleto chqä ri libro ri xkeʼuksäx chpan celular o tableta ye kʼo pä enlaces chkipan ri xkatkitäq chkipan ri videos chqä chkipan ri nkʼaj chik naʼoj.

NAʼOJ RI KʼO KEJQALEN Y RI ÜTZ NUʼÄN RI TIJOXEL
	TJONÏK	NAʼOJ RI KʼO REJQALEN	RI ÜTZ NUʼÄN RI TIJOXEL
1	01-12	Xtqatamaj achkë rubʼanik nqrtoʼ le Biblia chqä achkë rubʼanik nqatamaj ruwäch ri achoq runaʼoj kʼo pä chpan.	Ütz naʼij che rä ri tijoxel chë tskʼij ruwäch le Biblia, chë ttjoj apü riʼ chrij ri tjonïk xtkʼül chqä chë tbʼä chkipan ri qamoloj.
2	13-33	Xtqatzʼët achkë rubʼanon pä Dios pa qawiʼ chqä achkë rubʼanik nrajoʼ ryä chë nqayaʼ ruqʼij.	Ütz naʼij che rä ri tijoxel chë ttzjoj chkë ri nkʼaj chik ri najin nutamaj chqä chë ttok publicador.
3	34-47	Xtqatamaj achkë nrajoʼ Dios chë nkiʼän ri winäq ri yeyaʼö ruqʼij.	Ütz naʼij che rä ri tijoxel chë tjachaʼ rukʼaslemal pa ruqʼaʼ Jehová chqä tqasäx pa yaʼ.
4	48-60	Xtqatzʼët achkë rubʼanik xtqjowäx ronojel mul rma Dios.	Takʼutuʼ chwäch ri tijoxel achkë rubʼanik nutzʼët achkë riʼ ri ütz chqä ri ma ütz ta, chqä achkë rubʼanik nkʼuqeʼ más rukʼuʼx chpan ruchʼaʼäl Dios.