Tatamaj naksaj más ri libro Nawajoʼ rït yakʼaseʼ

Kan nqä chqawäch ri libro Nawajoʼ rït yakʼaseʼ rma rukʼamon pä videos chqä kʼutunïk ri nkiʼän chë jun tijoxel nuʼij achkë nuquʼ chrij jun naʼoj. Y kowan yojkitoʼon ri recuadros «Jojun winäq nkiʼij reʼ», «Ütz naʼän reʼ» y «Rchë natamaj más». Ye kʼa, ¿achkë más xkatoʼö taq xtatjoj jun winäq rkʼë re libro reʼ? (Mateo 28:19, 20).

Videos chqä nkʼaj chik naʼoj. We yë ri libro ri bʼanon rkʼë wuj aksan, ¿kʼo jun akuchï xtawïl wä jontir ri videos chqä ri nkʼaj chik naʼoj ri nkʼatzin chawä? Jaʼ, kʼo. Tatzʼetaʼ ri libro pa digital y tachaʼ jun chkë ri kajiʼ peraj. Kʼa chuxeʼ qa ri ruxaq riʼ xtawïl ri peraj «Videos chqä nkʼaj chik naʼoj», ri kʼo jontir videos chqä enlaces chpan ri ye kʼo chkipan ri tjonïk (achbʼäl 1).

«Edición impresa» chpan JW Library. We najin nayaʼ jun tjonïk rkʼë ri libro pa digital y nawajoʼ natzʼët achkë rubʼanik nqʼalajin chwäch wuj, ri peraj «Edición impresa» janina xkaturtoʼ. Taq yït kʼo chpan jun tjonïk, tabʼanaʼ clic akuchï kʼo wä ri oxiʼ puntitos ri kʼo pa jotäl pa derecha y tachaʼ «Edición impresa». Reʼ xkaturtoʼ rchë natzʼët achkë rubʼanik kikʼwan kiʼ ri naʼoj najin ninukʼuj kiwäch rkʼë rubʼiʼ ri tjonïk najin nitzʼët. Rchë natzʼët chik jmul ri digital, tabʼanaʼ clic akuchï kʼo wä ri oxiʼ puntitos y tachaʼ «Edición digital» o tabʼanaʼ clic chrij ri ícono morado ri kʼo chuxeʼ qa pa derecha.

«¿Nbʼanon chik jontir ri najowatäj?». Re recuadros reʼ ye kʼo pa rukʼisbʼäl che rä ri peraj 4 y nkikʼüt achkë nkʼatzin nuʼän jun winäq rchë nutzjoj le Biblia rkʼë ri congregación chqä rchë nqasäx pa yaʼ (achbʼäl 2).

Notas. Ri notas chqä ye kʼo pa rukʼisbʼäl che rä ri peraj 4 y yojkitoʼ rchë nqʼax más pa qajolon ri naʼoj ri kan kʼo kejqalen. Chpan ri libro pa digital kʼo jun enlace pa rukʼisbʼäl chkë ri notas ri yaturkʼwaj chpan ri peraj ri akuchï xixkanaj wä qa (achbʼäl 2).