Tabʼanaʼ dibujos rchë ma namestaj ta ri xatamaj qa

Kʼïy chqë röj kan kwest nuʼän chqawäch nnatäj chqë ri nqaskʼij. Ye kʼa kan chaq bʼaʼ nnatäj chqë ri kʼambʼäl taq tzij chqä ri ejemplos ri xerksaj Jesús. ¿Achkë rma? Rma kan yepë pa qajolon ri xertzjoj ryä. Ke riʼ chqä xtbʼanatäj qkʼë we nqaʼän dibujar ri nqaskʼij chpan le Biblia o chpan qapublicaciones. Kan xkenatäj ri naʼoj riʼ chqë rma ri dibujos riʼ kan xkekʼaseʼ qa pa qajolon.

Ri winäq ri nkiʼän dibujar ri nkiskʼij o ri nkiʼän estudiar, kitzʼeton chë más nnatäj chkë ri naʼoj nkitamaj qa. Tapeʼ ryeʼ ma kan ta achkë dibujos yekiʼän, ya riʼ yertoʼ rchë kan nnatäj chkë achkë tzij xkiskʼij o xkikʼoxaj chqä achkë naʼoj kʼo más kiqʼij xkitamaj qa. Kʼo jojun estudios nkiʼij chë ri achkë yewlö más utzil we nkiʼän riʼ, ya riʼ ri winäq ri ya kʼo chik kijnaʼ.

Si rït chqä xtaʼän dibujos taq xtatjoj awiʼ chrij le Biblia o chkij qapublicaciones, rkʼë jbʼaʼ kan xttel akʼuʼx taq xtatzʼët chë kan kʼïy naʼoj xtkʼaseʼ qa pan ajolon.