Ma tqaxiʼij ta qiʼ taq nkʼaj chik ma nkajoʼ ta chë röj nqaʼän ri nrajoʼ Jehová

Taskʼij Jeremías 38:1-13 rchë natzʼët achkë nkikʼüt qa ri profeta Jeremías chqä ri eunuco Ébed-Mélec chqawäch chrij ri ma nqaxiʼij ta qiʼ nqaʼän ri nrajoʼ Dios.

Takanuj más naʼoj chrij riʼ. ¿Achkë rbʼanik xkʼüt Jeremías chë ma xxiʼij ta riʼ xyaʼ rtzjol ri rbʼin pä Jehová che rä? (Jer. 27:12-14; 28:15-17; 37:6-10). ¿Achkë xkiʼän ri winäq ri xkikʼoxaj rtzjol xyaʼ Jeremías? (Jer. 37:15, 16).

Takanuj jojun chik naʼoj. ¿Achkë xkajoʼ ri winäq chë xuʼän ta Jeremías? (jr-S 26, 27 peraj 20-22). Tatamaj más chkij ri jül yebʼan wä ojer rchë yekʼol yaʼ chpan (it-1-S 489). ¿Achkë komä xnaʼ Jeremías taq kʼo chpan ri jül chqä xqä qa pa chʼabʼäq? ¿Achoq chwäch rkʼë jbʼaʼ xxiʼij wä riʼ Ébed-Mélec? (w12-S 1/5 31 peraj 2, 3).

Taquʼ kij ri naʼoj natamaj qa. Taquʼ rij ya reʼ:

• «¿Achkë nukʼüt qa re relato reʼ chi nwäch chrij rbʼanik yerchajij Jehová ri winäq nkiyaʼ rqʼij?» (Sal. 97:10; Jer. 39:15-18).

• «¿Ajän (jampeʼ) xtkʼatzin ma xtinxiʼij ta wiʼ?».

• «Taq nkʼaj chik ma nkajoʼ ta chë rïn nbʼän ri nrajoʼ Jehová, ¿achkë ütz nbʼän rchë ma nxiʼij ta wiʼ chkiwäch chqä rchë nyaʼ más chwäch wan nbʼän ri nrajoʼ Dios?» (w11-S 1/3 30).a