«Ryä xtamaj achkë riʼ ri yanman tzij»

Jesús ronojel mul rnman rtzij Jehová (Juan 8:29). Ye kʼa, ¿achkë rma le Biblia nuʼij chë «ryä xtamaj achkë riʼ ri yanman tzij rma kan xtäj poqän»? (Heb. 5:8).

Taq Jesús xjeʼ chwäch Rwachʼlew, ryä kʼo xerqʼaxaj ri majun bʼëy xqʼaxaj ta chlaʼ chkaj. Tqaquʼ rij ya reʼ. Tapeʼ rteʼ rtat Jesús nkajoʼ wä Jehová, ryeʼ kʼo wä mak chkij, y ryä xkʼatzin xnmaj kitzij (Luc. 2:51). Chqä xtäj poqän kimä ri kʼamöl taq bʼey judíos chqä kimä ri qʼatöy taq tzij ri ma pa rbʼeyal ta xkiʼän rkʼë (Mat. 26:59; Mar. 15:15). Y ma xa xuʼ ta riʼ, Jesús «xqasaj riʼ chqä xnmaj tzij kʼa taq xkäm», rma ryä kan kowan xtäj poqän taq xkamsäx (Filip. 2:8).

Rkʼë ri xqʼaxaj pa rkʼaslemal aweʼ chwäch Rwachʼlew, ryä xtamaj nkʼaj chik rbʼanik ri nkʼatzin nunmaj tzij. Ke riʼ xok ri Qʼatöy Tzij chqä ri Sumo Sacerdote ri nqajoʼ röj, rma ryä kan nqʼax chawäch achkë najin nqaqʼaxaj (Heb. 4:15; 5:9). Chqä, rma Jesús xtamaj achkë riʼ ri yanman tzij rma kowan xtäj poqän, Jehová kan más na chik xloqʼoqʼej chqä kan más na chik xksaj. Ke riʼ chqä xtqrtzʼët Jehová si röj nqatamaj nqanmaj tzij taq kʼo nmaʼq taq kʼayewal yeqaqʼaxaj (Sant. 1:4).