¿Nqrkʼoxaj komä Jehová?

Dios nqrkʼoxaj taq nqchʼö rkʼë (1 Pedro 3:12).

Jehová nqrkʼoxaj taq nqtzjon rkʼë (Salmo 65:2). Ryä nrajoʼ chë nqaʼij che rä jontir ri kʼo pa qan.

Rït kʼo chë xa xuʼ rkʼë Jehová yachʼö wä, ma ütz ta naʼän riʼ rkʼë jun chik dios.

Röj kʼïy achoq chrij ütz nqtzjon wä taq nqchʼö rkʼë Dios (1 Juan 5:14).

Takʼutuj che rä Jehová chë tbʼanaʼ yän ruraybʼal chwäch le Ruwachʼulew, achiʼel ri najin chik nuʼän chlaʼ chkaj.

Kachʼö rkʼë Dios pa rubʼiʼ Jesús. Ke riʼ xtakʼüt chë natyoxij jontir ri xuʼän pan awiʼ.

Takʼutuj atoʼik che rä rchë yakowin naʼän ri ütz, rchë ronojel mul tyaʼ away chqä rchë nawïl asamaj, awachoch chqä atzyaq. Chqä ütz nakʼutuj che rä chë tyaʼ kichqʼaʼ ri yawaʼiʼ.