Adán y Eva ma nkinmaj ta rtzij Dios

Kʼo jun qʼij, taq Eva xa ryonïl kʼo, xtzjon jun kumätz rkʼë y xuʼij reʼ che rä: «¿Kantzij chë Dios ma nrajoʼ ta nitäj rfruta xa bʼa achkë cheʼ?». Eva xuʼij: «Xa bʼa achkë fruta ütz nqatäj. Xa xuʼ rfruta jun cheʼ ma ütz ta nqatäj. Si nqatäj, xtqkäm». Ri kumätz xuʼij: «Ma xkixkäm ta. Si xtitäj, xkixok achiʼel Dios». ¿Kantzij ri xuʼij ri kumätz? Manä, xa xtzʼük tzij, pero Eva kan xnmaj. Taq más xtzuʼ ri fruta, más xrayij. Rma riʼ xtäj, y xyaʼ chqä che rä Adán. Adán rtaman wä chë xkekäm si ma nkinmaj ta rtzij Dios. Tapeʼ ke riʼ, xtäj ri fruta riʼ.

Jbʼaʼ chrij riʼ, Jehová xtzjon kikʼë Adán y Eva. Ryä xkʼutuj chkë achkë rma ma xkinmaj ta rtzij. Eva chrij ri kumätz xqʼabʼaj wä ri xuʼän, y Adán chrij Eva. Rma ma xkinmaj ta tzij, Jehová xeresaj äl pa jardín. Chqä xeryaʼ ángeles chuchiʼ ri jardín chqä jun espada ri kʼo qʼaqʼ chrij rchë majun bʼëy chik yeʼok apü.

Ütz njeʼ pa qajolon chë ma yë ta jun kumätz xtzjon rkʼë Eva, rma Jehová ma xuʼän ta chë ri kumätz yetzjon. Yë jun itzel ángel ri xbʼanö chë ri kumätz xtzjon. Ryä nrajoʼ wä nuqʼöl Eva. Ri ángel riʼ Satanás chqä Diablo rbʼiʼ. Jehová xuʼij chë kʼo ma ütz ta xtyaʼ pa rwiʼ re ángel reʼ. Chqawäch apü, Jehová xtchüp rwäch Satanás, ke riʼ ma xtuʼän ta chik chë ri winäq nkiʼän ri ma ütz ta.