Ri xtqatzʼët chpan ri peraj 8

Jehová kʼïy rnaʼoj Salomón xyaʼ, y xyaʼ jun mamaʼ rsamaj: nuyäk ri templo. Pero ryä xa eqal xyaʼ qa Dios. Si rït yït teʼej o tataʼaj, taʼij chkë ri akʼalaʼ chë Salomón xyaʼ qa Jehová kimä ri winäq ri xa tyox xkiyaʼ kiqʼij. Ri tinamït Israel xel pa kaʼiʼ, y ye kʼo reyes xejeʼ ri xkiʼän chë ri winäq xa tyox chik xkiyaʼ kiqʼij. Chkipan ri jnaʼ riʼ, kʼïy rprofetas Jehová xyaʼöx poqonal pa kiwiʼ chqä xekamsäx. Ri itzelal chkipan ri diez ijatzul ri ye kʼo pa norte che rä Israel más xnmatäj rma ri reina Jezabel. Chpan ri tiempo riʼ, ye kʼïy israelitas xkiyaʼ qa Jehová. Tapeʼ ke riʼ, ye kʼo chqä ri ma xkiyaʼ ta qa Jehová, achiʼel ri rey Jehosafat chqä ri profeta Elías.