NA’OJ 15

Takʼutuʼ rkʼë rubʼanik yatzjon chë aponäq pa awan ri naʼij

1 Tesalonicenses 1:5

RI NTEL CHË TZIJ: Nakʼüt rkʼë rubʼanik yatzjon chë aponäq pa awan ri najin naʼij chqä nakʼüt chkiwäch ri winäq chë janina rejqalen nkiyaʼ kixkïn chawä.

RI RUBʼANIK NASMAJIJ

Ütz ütz tatjoj apü awiʼ. Tatjaʼ aqʼij rchë nqʼax chawäch ri naʼoj ri kʼo más kejqalen y tatzʼetaʼ achkë rubʼanik kikʼwan kiʼ rkʼë ri nuʼij le Biblia. Ma keʼaksaj ta kʼayewaläj taq tzij rchë nakʼüt ri naʼoj riʼ. Taquʼ achkë rubʼanik xkerutoʼ ri winäq ri naʼoj ri xtakʼüt chkiwäch. Chqä takʼutuj che rä Jehová chë karutoʼ rkʼë ri loqʼoläj ruchqʼaʼ.

Rkʼë nüm achʼaʼäl tatjoj apü awiʼ, ke riʼ xtkanaj qa pa ajolon ri xtaʼij y más ütz xtaʼän che rä ri atzijonem.
Keʼaksaj tzij ri nkiʼän chë ri winäq nkitzʼët chë aponäq pa awan ri naʼij. Ma xa xuʼ ta taskʼij ri kʼo pä chwäch ri wuj, xa kan kikʼë atzij taʼij wä. Keʼaksaj tzij ri nkikʼüt chë aponäq pa awan ri naʼij.
Kantzij katzjon chqä tayaʼ awan chrij ri naʼij. Pa rubʼeyal taksaj ri ruchqʼaʼ achʼaʼäl. We ma itzel ta nkinaʼ, tatzuʼ apü kiwäch ri yekʼoxan awchë.

Ri nakʼüt rkʼë rubʼanik yatzjon chë aponäq pa awan ri naʼij, ma junan ta rkʼë taq kuw rubʼanik yatzjon o taq xa najin nanaʼ awiʼ. Pa rubʼeyal takʼutuʼ rkʼë rubʼanik yatzjon chë aponäq pa awän ri naʼij.