Tatjaʼ aqʼij

Ri xuʼän Pablo

VIDEO: Pablo xtäj ruqʼij chutzjoxik Ruchʼaʼäl Dios pa Éfeso

1. Tatzʼetaʼ ri VIDEO o taskʼij ruwäch Hechos 19:8-10. Chrij riʼ, taquʼ kij re kʼutunïk reʼ:

1. ¿Achkë rma qataman chë Pablo kan xtäj ruqʼij chutzjoxik ri utziläj taq rutzjol?

2. ¿Jaruʼ qʼij chpan jun semana xtzjon Pablo kikʼë ri xkajoʼ xkitamaj más, y jaruʼ tiempo xuʼän riʼ?

¿Achkë nqatamaj qa chrij Pablo?

2. Rchë kan pa rubʼeyal nqakamluj kichʼbʼexik ri winäq chqä nqkowin nqachäp jun tjonïk chrij le Biblia kikʼë nkʼatzin nqayaʼ qa-tiempo chqä nqatäj qaqʼij kikʼë.

Takʼamaʼ anaʼoj chrij Pablo

3. Katzolin rkʼë ri winäq taq ütz nuʼän chwäch ryä. Taquʼ rij reʼ: «¿Achkë qʼij o achkë hora ütz nuʼän chwäch ntzjon wkʼë? ¿Akuchï nrajoʼ chë nqïl wä qiʼ?». Ma takʼayewaj ta yatzolin rkʼë ri winäq tapeʼ ma kan ta ya riʼ más ütz nuʼän chawäch rït.

4. Takʼutuj che rä achkë qʼij o achkë hora ütz yixtzjon chik jmul. Taq majanä takʼïs atzij rkʼë ri winäq, takʼutuj che rä achkë qʼij chqä achkë hora ütz nuʼän chwäch yatzolin rkʼë. Y kan katapon ri qʼij chqä ri hora riʼ.

5. Ma tikʼo ta akʼuʼx. Ma taquʼ ta chë ri winäq ma nrajoʼ ta nutamaj más xa rma ma kan ta nawïl chrachoch o rma ma kan ta jamäl ruwäch (1 Cor. 13:4, 7). Ma tayaʼ ta qa rukanuxik ri winäq, ye kʼa kan ütz ruksaxik tabʼanaʼ che rä a-tiempo (1 Cor. 9:26).