Ma tikʼo ta akʼuʼx

Ri xuʼän Jesús

VIDEO: Jesús ma nikʼo ta rukʼuʼx chutoʼik ruchʼalal

1. Tatzʼetaʼ ri VIDEO o taskʼij ruwäch Juan 7:3-5 y 1 Corintios 15:3, 4, 7. Chrij riʼ, taquʼ kij re kʼutunïk reʼ:

1. ¿Achkë wä kinaʼoj ruchʼalal Jesús pa naʼäy?

2. ¿Achkë rma qataman chë Jesús ma xquʼ ta chë Santiago, ri ruchaqʼ, kan ma xtjäl ta runaʼoj?

¿Achkë nqatamaj qa chrij Jesús?

2. Ye kʼo jojun nukʼwaj más tiempo chkiwäch nkinmaj ri utziläj taq rutzjol, rma riʼ nkʼatzin ma nikʼo ta qakʼuʼx kikʼë.

Takʼamaʼ anaʼoj chrij Jesús

3. Tajalaʼ rubʼanik natzüj jun tjonïk. We pa naʼäy ri winäq ma nrajoʼ ta nutjoj riʼ chrij le Biblia, ma tachaqtiʼij ta. Ye kʼa we ütz nuʼän, taksaj videos o tzijonem rchë nakʼüt chwäch achkë rubʼanik yeqatjoj ri winäq chrij le Biblia y achkë rubʼanik xttoʼ ryä ri nutjoj riʼ chrij le Biblia.

4. Ma keʼajnamaj ta ri winäq. Majun ta jun winäq ri kan junan rkʼë jun chik. We jun awachʼalal o jun winäq ma kan ta nrajoʼ nutjoj riʼ chrij le Biblia, taquʼ rij achkë rma ke riʼ nunaʼ. ¿Kʼo jun naʼoj ri kikʼutun chwäch pa ru-religión ri kan aponäq pa ran? ¿Najin komä nchaqtiʼïx kimä ruchʼalal o ru-vecinos rchë ma ttjoj ta riʼ? Tayaʼ qʼij che rä rchë nuquʼ rij ri xitzjoj rkʼë chqä rchë nuloqʼoqʼej ri nukʼüt le Biblia.

5. Katzjon rkʼë Jehová pa ruwiʼ ri winäq. Taʼij che rä Jehová chë katurtoʼ pä rchë ma nikʼo ta akʼuʼx rkʼë ri winäq chqä rchë kan pa rubʼeyal yatzjon rkʼë. Chqä taʼij che rä chë katurtoʼ rchë natzʼët ajän (jampeʼ) riʼ más ütz ma yatzolin ta chik rkʼë jun winäq ri ma kan ta nuʼij riʼ ran nutjoj riʼ chrij le Biblia (1 Cor. 9:26).