KEʼATJOJ CHRIJ LE BIBLIA
NAʼOJ 10
Tayaʼ chwäch awan yeʼatoʼ ri winäq
Ri nuʼij le Biblia: «Xqayaʼ chwäch qan chë ma xa xuʼ ta nqatzjoj ri utziläj taq rutzjol chiwä ri ye petenäq rkʼë Dios, xa kan xqajoʼ chqä xqayaʼ qakʼaslemal iwmä rïx, rma kan kowan xixqajoʼ» (1 Tes. 2:8).
Ri xuʼän Jesús
1. Tatzʼetaʼ ri VIDEO o taskʼij ruwäch Juan 3:1, 2. Chrij riʼ, taquʼ kij re kʼutunïk reʼ:
¿Achkë rkʼë jbʼaʼ xbʼanö chë Nicodemo xa chaqʼaʼ xbʼerutzʼetaʼ Jesús? (Tatzʼetaʼ Juan 12:42, 43).
¿Achkë rubʼanik xkʼüt Jesús chë ruyaʼon wä chwäch ran yerutoʼ ri winäq rchë yeʼok rutzeqelbʼëy?
¿Achkë nqatamaj qa chrij Jesús?
2. Rma yeqajoʼ ri winäq, röj qayaʼon chwäch qan yeqatoʼ rchë yeʼok rutzeqelbʼëy Cristo.
Takʼamaʼ anaʼoj chrij Jesús
3. Tatjoj ri winäq chpan ri hora chqä akuchï ütz nuʼän wä chwäch ryä. ¿Kʼo jun qʼij o jun hora ri más ütz nuʼän chwäch ryä? ¿Akuchï más ütz nunaʼ nutjoj wä riʼ: pa rusamaj, chrachoch o akuchï ye kʼo wä ye kʼïy winäq? Ronojel mul taq ütz xtuʼän, tatoʼ ri winäq chpan ri hora chqä akuchï ütz nuʼän wä chwäch ryä.
4. Takanuj rubʼanik rchë chë ri winäq ronojel mul nukʼül rutjonik. We rït ma yajeʼ ta, ma taʼän ta chë ri winäq ma nukʼül ta rutjonik. Rkʼë jbʼaʼ ütz naʼän reʼ:
Natjoj ri winäq jun chik qʼij chpan ri semana.
Natjoj pa teléfono o pa videollamada.
Naʼij che rä jun qachʼalal chë tbʼerutzʼetaʼ ri winäq.
5. Taʼij che rä Jehová chë katurtoʼ rchë yë ri ütz taq naʼoj natzʼët chrij atijoxel. Taʼij che rä Jehová chë katurtoʼ rchë ma nikʼo ta akʼuʼx rkʼë atijoxel. Kan más nkʼatzin naʼän riʼ we ri winäq ma ronojel ta mul nrajoʼ nutjoj riʼ o kʼayewal nuʼän chwäch nusmajij ri nutamaj (Filip. 2:13). Taʼij che rä Jehová chë katurtoʼ rchë yë ri ütz taq naʼoj natzʼët chrij ri atijoxel.