Más ütz tabʼanaʼ che rä rutzjoxik le Biblia: Katzjon chrij ri nkajoʼ nkikʼoxaj ri winäq

¿ACHKË RMA KʼO REJQALEN? Ri cristianos ri yechaʼon rchë yebʼä chkaj y ri yekanaj chwäch le Ruwachʼulew, najin yekiskʼij jontir winäq rchë nkiqüm ri yaʼ ri ma tojon ta, ri yaʼ ri nyaʼö kʼaslemal (Ap 22:17). Ri yaʼ riʼ rukʼambʼen tzij chrij jontir ri rubʼanon Jehová rchë yeruköl ri winäq chwäch ri mak chqä ri kamïk. Rma riʼ, rchë yeqatoʼ ri winäq ri jalajöj ki-costumbres chqä ki-religión, kʼo chë nqakanuj rubʼanik nqatzjoj ri utziläj taq rutzjol chkë, ke riʼ nkirayij nkitamaj más (Ap 14:6).

¿ACHKË RUBʼANIK NAʼÄN CHE RÄ?

• Tachaʼ jun tema y jun texto ri natzʼët rït chë napon pa kan ri winäq ri ye kʼo pa a-territorio. Rkʼë jbʼaʼ ütz naksaj ri naʼoj ri petenäq chpan ri peraj «Tzʼetbʼäl chrij rubʼanik nqatzjoj le Biblia» o naksaj jun naʼoj ri kan ütz rubʼanon chawäch kikʼë ri winäq. ¿Achkë tema o texto ri kan nkiyaʼ kixkïn ri winäq che rä? ¿Achkë noticia najin nkitzjoj ri winäq chkiwäch? ¿Achoq chrij nkajoʼ yetzjon wä ri achiʼaʼ? ¿Y achoq chrij nkajoʼ yetzjon wä ri ixoqiʼ?

• Taq yatzjon kikʼë ri winäq, tatzʼetaʼ achkë rubʼanik nkiyaʼ rutzil kiwäch chqä achkë rukʼulun chkë nkiʼän pa kitinamit, y ke riʼ tabʼanaʼ rït kikʼë (2Co 6:3, 4).

• Tatamaj achkë wuj chqä videos ye kʼo chpan ri samajbʼäl rchë nyaʼöx tjonïk, ke riʼ pa rubʼeyal xkeʼaksaj taq xkeʼawïl winäq ri nkajoʼ nkitamaj más.

• Keʼabʼanaʼ descargar publicaciones chqä videos ri kʼo pa kichʼaʼäl ri winäq ri ye kʼo pa a-territorio.

• Keʼatzjoj temas ri kantzij nkʼatzin chkë ri winäq (1Co 9:19-23). Jun tzʼetbʼäl, ¿achkë komä xtaʼij apü we nanaʼej chë ri winäq kʼa xkäm qa jun ruchʼalal?

TAQ XATZʼËT YÄN RI VIDEO, KEʼAQʼALAJSAJ RE KʼUTUNÏK REʼ:

• ¿Achkë tema xksaj ri publicador taq xchäp rutzij rkʼë ri winäq?

• ¿Achkë wä najin nuqʼaxaj ri winäq?

• ¿Achkë komä texto ri más ta ütz xksaj ri publicador, y achkë rma?

• ¿Achkë rubʼanik najäl ri atzij rït rchë chë ri winäq pa a-territorio kan nkiyaʼ kixkïn chawä?