Taq nqatzjoj le Biblia, keqaksaj ri najin yebʼanatäj komä

Taq xtzjoj Ruchʼaʼäl Dios, Jesús xksaj ri najin wä yebʼanatäj chkipan ri qʼij riʼ rchë xerukʼüt utziläj taq naʼoj (Lu 13:1-5). Rït chqä ütz naksaj ri najin yebʼanatäj komä rchë chë ri winäq xtkajoʼ xkatkikʼoxaj. Rkʼë jbʼaʼ ütz natzjoj chë jontir jotäl rajäl, chrij jun qʼeqäl jöbʼ o jun mamaʼ slonel, chrij jun chʼaʼoj, chrij rutjik drogas o nkʼaj chik ri najin yebʼanatäj pan atinamit. Chrij riʼ tabʼanaʼ jun kʼutunïk che rä ri winäq rchë nuquʼ rij ri xaʼij yän qa che rä. Kʼutunïk achiʼel: «¿Naʼij rït chë jun qʼij xtbʼekʼis na...?» o «¿Achkë komä rubʼanik xtsolotäj ri...?». Chrij riʼ takʼutuʼ jun texto chwäch ri rukʼwan riʼ rkʼë ri najin nitzjoj. We ri winäq jaʼäl najin nukʼoxaj, takʼutuʼ jun video chwäch o jun publicación ri kʼo chpan ri samajbʼäl rchë nyaʼöx tjonïk. Tqatjaʼ qaqʼij rchë nqapon pa kan ri winäq chqä tqabʼanaʼ «jontir riʼ rma ri utziläj taq rutzjol» (1Co 9:22, 23).

¿Achkë ta komä nqä chkiwäch nkikʼoxaj ri winäq ri ye kʼo pan a-territorio?