¿Achkë rubʼanik yeqaksaj ri tratados rchë nqachäp tzij kikʼë ri winäq?

Chpan ri Wuj rchë ri qamoloj, enero 2018, xchap pä ruyaʼik naʼoj chrij rubʼanik nqachäp tzij kikʼë ri winäq chrij le Biblia. Bʼin pä chë, pa rukʼexel xa xuʼ publicaciones yeqayaʼ qa chkë ri winäq, xa más ütz qtzjon kikʼë. Rchë nkowin nqaʼän riʼ, ri videos rchë ri peraj «Tzʼetbʼäl chrij rubʼanik nqatzjoj le Biblia» kikʼutun pä chqawäch achkë rubʼanik nqatkirsaj qatzij xa xuʼ rkʼë le Biblia. ¿Ntel chë tzij riʼ chë ma ütz ta yeqaksaj publicaciones taq nq-el chuchiʼ taq jay? Ma ke riʼ ta. Achiʼel ri tratados janina ütz rchë nchap tzij kikʼë ri winäq. Rchë yeqaksaj ri tratados ütz nqaʼän reʼ:

1. Tqabʼanaʼ ri kʼutunïk ri kʼo pä chwäch ri tratado y tqayaʼ qʼij che rä ri winäq rchë nuʼij pä jun chkë ri ruqʼalajsaxik.

2. Tqakʼutuʼ apü ri naʼäy texto bíblico ri kʼo pä chwäch ri rukaʼn ruxaq. We ri winäq jamäl ruwäch, ütz tqaskʼij qa ri naʼoj kʼo chpan ri tratado y tqaqʼalajsaj qa chwäch.

3. Tqayaʼ qa ri tratado che rä ri winäq y tqaʼij qa che rä chë tkʼisaʼ ruskʼixik taq xtjameʼ ruwäch.

4. Taq ya xtqbʼä äl, tqakʼutuʼ qa chwäch ri winäq ri peraj akuchï nuʼij wä «Pregúntese» y tqaʼij qa che rä chë xtqaqʼalajsaj chwäch jun chik qʼij.

Taq xtqtzolin chik, tqaqʼalajsaj ri kʼutunïk xqayaʼ qa, chrij riʼ tqayaʼ qa chik jun kʼutunïk rchë jun chik qʼij. Ütz nqachaʼ jun kʼutunïk ri kʼo pa jw.org o jun kʼutunïk ri kʼo chpan jun chkë ri qawuj ri kʼo pä rachbʼäl chrij ri tratado. Taq nqatzʼët chë ütz nuʼän, tqatzjuʼ qa ri wuj Buenas noticias de parte de Dios o xa bʼa achkë chik jun publicación ri kʼo chpan ri samajbʼäl rchë nyaʼöx tjonïk.