¿Achkë rubʼanik nqaksaj ri peraj «Tzʼetbʼäl chrij rubʼanik nqatzjoj le Biblia»?

Ri peraj «Tzʼetbʼäl chrij rubʼanik nqatzjoj le Biblia» kan pa ikʼ enero rchë ri junaʼ 2018 yaʼon pä chwäch ri Wuj rchë ri qamoloj: Qakʼaslemal chqä Qasamaj röj ri Cristianos. ¿Achkë rubʼanik nqaksaj ri peraj riʼ?

Taq nqaqʼaxaj jun asignación. Kʼo chë nqaksaj ri kʼutunïk, ri texto y ri kʼutunïk ri ütz nqayaʼ qa, ri kʼo pä chpan ri peraj riʼ. Ye kʼa, ma nkʼatzin ta chë nqakamluj jontir ri yebʼix chkipan ri videos ri nkikʼüt achkë rubʼanik nqatzjoj le Biblia. Röj nqkowin nqajäl ri rubʼanik nqaʼän che rä ri tzʼetbʼäl, ri naʼäy taq tzij chqä ri naʼoj ri nkiʼän chë yechʼobʼon ri winäq. Chqä ütz nqatzüj apü jun chkë ri publicaciones ri kʼo chpan ri samajbʼäl rchë nyaʼöx tjonïk, tapeʼ ma nuʼij ta pä chpan ri qawuj.

Taq nqatzjoj le Biblia. Ri peraj tzʼetbʼäl chrij rubʼanik nqatzjoj le Biblia nuyaʼ jojun naʼoj chqë ri ütz nqasmajij taq nqatzjoj le Biblia. We jun winäq nrajoʼ nutamaj más, ma tqakʼsaʼ ta qa qatzij rkʼë chqä ütz nqakʼüt apü chwäch ri naʼoj nqaksaj rchë nqaʼän ri rukaʼn visita. Röj ütz nqajäl jbʼaʼ ri naʼoj yeyaʼon chqë o nqajäl jontir ri qatzij. ¿Nkiyaʼ komä más kixkïn ri winäq pa qa-territorio we nqaksaj ri naʼoj kichë ri nkʼaj chik ikʼ o nkʼaj chik textos? ¿Kʼo komä jun noticia o xa bʼa achkë jun ri xbʼanatäj pa territorio ri más nqä chkiwäch ri winäq nkikʼoxaj? Röj jalajöj rubʼanik nqkowin nqaksaj ri naʼoj yeyaʼon chqë. Ye kʼa, ma tqamestaj ta chë röj nqajoʼ nqaʼän «jontir riʼ rma ri utziläj taq rutzjol, rchë [nqatzjoj] chkë ri nkʼaj chik» (1Co 9:22, 23).