¿Achkë chik jun winäq ütz nbʼän invitar?

Ronojel junaʼ nbʼan jun campaña rchë yebʼan invitar ri winäq rchë yeʼapon qkʼë chpan ri moloj chrij Runataxik Rukamik Jesús. Kʼïy chkë ri yeqaʼän invitar ma qataman ta kiwäch. Ye kʼa nkʼatzin chqä chë yeqaʼän invitar ri qataman chik kiwäch. Jun winäq rkʼë jbʼaʼ xtapon chpan ri moloj riʼ, we kan yë jun winäq ri retaman ruwäch nbʼanö invitar (yb08-S 11 párr. 3; 14 párr. 1). ¿Achkë chë winäq ütz yeqaʼän invitar?

• Qa-Familiares.

• Qachiʼil pa samaj o pa tijobʼäl.

• Qa-vecinos.

• Ri winäq ri najin yeqatjoj chrij le Biblia o ri xqayaʼ kitjonik ojer.

Ye kʼa, ri ukʼwäy taq bʼey xkekiʼän invitar ri qachʼalal ri ma yeʼel ta chik chutzjoxik le Biblia. Y rït, ¿achkë ütz naʼän we nawajoʼ naʼän invitar jun winäq ri ataman ruwäch, ye kʼa, xa jukʼan chik tinamït kʼo wä? Takanuj we xtbʼan jun moloj chrij Runataxik Rukamik Jesús chnaqaj rachoch ri winäq riʼ. Rchë naʼän riʼ, katok chpan ri peraj CHQIJ RÖJ ri kʼo pa inicio che rä ri jw.org, y tabʼanaʼ clic chrij ri peraj «Runataxik Rukamik Jesús». Loman nqayoʼej chë napon ri qʼij riʼ ri janina rejqalen, taquʼ achkë chë winäq ütz yeʼaʼän invitar y kan tabʼanaʼ.