RI QAKʼASLEMAL RÖJ RI CRISTIANOS
Taq Jehová nupixabʼaj jun qachʼalal y röj nqnman tzij, nqakʼüt ajowabʼäl
Jun rubʼanik yechajïx jontir ri qachʼalal, ya riʼ taq kʼo chë nesäx qa jun qachʼalal pa congregación. Ye kʼa, ri pixabʼanïk riʼ yerutoʼ chqä ri ma nkitzolij ta kiʼ che rä kimak (1Co 5:6, 11). Taq Jehová nupixabʼaj jun qachʼalal y röj nqnman tzij, nqakʼüt ajowabʼäl. Ye kʼa, ¿achkë rma nqaʼij riʼ, si taq nesäx qa jun qachʼalal pa congregación xa nuyaʼ qa bʼis chqë, y más chkë ru-familia chqä chkë ri yejeʼ chpan ri comité judicial?
Naʼäy, rma nqakʼüt chë nqajoʼ Jehová, chë ma nqajoʼ ta nqaqasaj ruqʼij chqä chë nqaloqʼoqʼej ri rupixaʼ (1Pe 1:14-16). Chqä nqakʼüt ajowabʼäl chwäch ri winäq ri xesäx qa pa congregación. Röj kan nqbʼison taq npixabʼäx jun qachʼalal, ye kʼa, ya riʼ xttoʼö rchë yë ri ütz xtuʼän chpan ri rukʼaslemal (Heb 12:5, 6, 11). We röj kʼa nqtzjon na rkʼë jun winäq ri xesäx qa pa congregación o rkʼë jun ri xyaʼ qa rutinamit Jehová, ma najin ta nqayaʼ qʼij chë Jehová nupixabʼaj ri winäq riʼ. Ma tqamestaj ta chë Jehová retaman achkë rubʼanik nupixabʼaj jun winäq (Jer 30:11). Tqanmaj rutzij Jehová chqä tqayaʼ qan chrij ri rusamaj loman nqayoʼej chë ri winäq ri xpixabʼäx ntzolin pä rukʼuʼx rkʼë ri nimaläj Qatataʼ (Is 1:16-18; 55:7).
TAQ XATZʼËT YÄN RI VIDEO KAN RKʼË RONOJEL QAN TQANMAJ RUTZIJ JEHOVÁ, KEʼAQʼALAJSAJ RE KʼUTUNÏK REʼ:
¿Achkë nkinaʼ ri teʼej tataʼaj taq jun kalkʼwal nuyaʼ qa Jehová?
¿Achkë rubʼanik yekitoʼ ri qachʼalal ri ru-familia jun winäq ri xesäx qa pa congregación?
¿Achkë tzʼetbʼäl chpan le Biblia nukʼüt chqawäch chë ri nqanmaj rutzij Jehová ya riʼ kʼo más rejqalen chwäch ri nqajoʼ ri qa-familia?
¿Achkë rubʼanik nqakʼüt chë nqajoʼ más Jehová chwäch ri qa-familia?