Jehová nqrqʼïl rma nqrajoʼ

Taq jun winäq nqʼil (lo disciplinan), kʼo mul kan rukʼwan tijöj poqonal. Ye kʼa ya riʼ kan nutoʼ chë kʼo ütz taq naʼoj nutamaj qa. Jehová nqrqʼïl rchë nqayaʼ ruqʼij kan achiʼel nrajoʼ ryä (Ro 12:1; Heb 12:10, 11). Kʼo mul kan ntiʼon qan taq nqqʼil. Ye kʼa we nqanmaj tzij, Dios ütz xtqrtzʼët chqä kan xtyaʼ utzil pa qawiʼ (Pr 10:7). ¿Achkë kʼo chë ma numestaj ta ri winäq ri nkʼatzin nuqʼïl jun chik chqä ri winäq ri nkʼatzin nqʼil?

Ri winäq ri nqʼilon. Ri ukʼwäy taq bʼey, ri teʼej tataʼaj chqä ri nkʼaj chik kan nkitäj kiqʼij rchë kan rkʼë ajowabʼäl nkiqʼïl jun winäq, kan achiʼel nuʼän Jehová (Jer 46:28). Rchë kan pa rubʼeyal nbʼan riʼ, kʼo chë kan rkʼë ajowabʼäl nbʼan wä chqä kʼo chë ntzʼet achkë rumak xuʼän ri winäq (Tit 1:13).

Ri winäq ri nqʼil. Xa bʼa achkë na kʼa rubʼanik nqqʼil, röj kʼo chë kan yeqasmajij yän ri naʼoj yeyaʼöx chqë (Pr 3:11, 12). Rma xa yoj ajmakiʼ, jontir kʼo mul kan nkʼatzin nqqʼil. Rkʼë jbʼaʼ nqqʼil pä rma Jehová taq nqaskʼij ruwäch le Biblia o rkʼë ri naʼoj yeyaʼöx chqë chkipan qamoloj. O kʼo mul kan xtkʼatzin chë ri ukʼwäy taq bʼey xtkiqʼät tzij pa qawiʼ. Ye kʼa, we xtqasmajij ri xtkiʼij chqë, röj xtqïl ri kʼaslemal ri majun bʼëy xtkʼis ta (Pr 10:17).

TAQ XATZʼËT YÄN RI VIDEO JEHOVÁ YERUQʼÏL RI WINÄQ RMA YERAJOʼ, KEʼAQʼALAJSAJ RE KʼUTUNÏK REʼ:

• 

  ¿Achkë wä rubʼanik rukʼaslemal Canon taq kʼa akʼal na, y achkë xbʼanatäj taq xkʼïy qʼanäj?

• 

  ¿Achkë rubʼanik xqʼil rma Jehová?

• 

  ¿Achkë nqatamaj qa chrij ri xbʼanatäj rkʼë Canon?