Rkʼë kiʼkʼuxlal keʼatjoj ri winäq

We röj kiʼ qakʼuʼx taq nqtzjon, reʼ xtuʼän chë ri winäq kan kiʼ rukʼuʼx xttzjon pä qkʼë, chqä rkʼë jbʼaʼ xtuʼän chë ri winäq xtkiyaʼ más kixkïn chqë. Taq röj kan kiʼ qakʼuʼx nqtzjon, xtqakʼüt chë chqawäch röj kan kʼo ruqʼij ri nqatzjoj chkë ri winäq. Xa bʼa achkë na kʼa qajatzul o qanaʼoj, jontir nqkowin nqakʼüt kiʼkʼuxlal taq nqatzjoj le Biblia (Ro 12:11). ¿Achkë rubʼanik nqaʼän riʼ?

Naʼäy, taquʼ rij chë ri natzjoj kan kʼo ruqʼij. Rït yaʼon qa pan aqʼaʼ natzjoj «ri utziläj taq rutzjol» (Ro 10:15). Rukaʼn, taquʼ rij ri utzil nukʼäm pä pa kiwiʼ ri xkeyaʼö kixkïn chawä. Ri winäq kan nkʼatzin nkikʼoxaj ri naʼoj ye kʼo chpan le Biblia (Ro 10:13, 14). Pa rukʼisbʼäl, kan pan awan ttel wä pä ri natzjoj, takʼutuʼ rkʼë ri awachbʼäl ri nanaʼ chqä kan pa rubʼeyal keʼasloj ri aqʼaʼ.

TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. MÁS ÜTZ RUBʼANIK TQABʼANAʼ CHE RÄ QASAMAJ: RKʼË KIʼKʼUXLAL KEQATJOJ RI WINÄQ, KEʼAQʼALAJSAJ RE KʼUTUNÏK REʼ:

• 

  ¿Achkë rma ya Rita ma kan ta kiʼ chik rukʼuʼx nutjoj ya Rubí chrij le Biblia?

• 

  ¿Achkë xtoʼö ya Rita rchë xnaʼ chik jmul kiʼkʼuxlal?

• 

  ¿Achkë rma kʼo chë yë ri ütz taq naʼoj nqatzʼët chkij ri yekʼoxan qchë?

• ¿Achkë rubʼanik xttoʼ ri qatijoxel chqä ri nkʼaj chik winäq taq röj kiʼ qakʼuʼx nqatzjoj le Biblia?