Tanaʼ ri nkinaʼ ri winäq

Ri nanaʼ ri nkinaʼ ri nkʼaj chik ntel chqä chë tzij nqʼax chawäch ri nkiquʼ, ri kʼo ruqʼij chkiwäch ryeʼ chqä ri nkʼatzin chkë. Re naʼoj reʼ nuʼän chë kan pa ran jun winäq naläx wä yerutoʼ ri nkʼaj chik. We röj nqakʼüt re naʼoj reʼ taq nqatzjoj le Biblia, xtqakʼüt chë yeqajoʼ ri winäq kan achiʼel yerajoʼ Jehová. Reʼ nuʼän chë ri winäq nkajoʼ nkitamaj ruwäch (Flp 2:4).

Rkʼë ri rubʼanik xtqtzjon, ri qanaʼoj xtqakʼüt chqä ri qachbʼäl xtqaʼän xtqakʼüt chwäch qatijoxel chë nqanaʼ ri nunaʼ ryä. Reʼ xtkʼüt chwäch chë nqchʼpü chrij, chë nqʼax chqawäch ri nunmaj, ri nqä chwäch chqä ri najin nuqʼaxaj pa rukʼaslemal. Re naʼoj reʼ xtuʼän chë xtqatoʼ ri winäq riʼ chqä chë ma xtqachaqtiʼij ta rchë nusmajij jun naʼoj. Taq ri winäq nkikʼän ri toʼïk nqayaʼ chkë, röj kan más kiʼ qakʼuʼx nqaʼän taq nqatzjoj le Biblia.

TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. MÁS ÜTZ RUBʼANIK TQABʼANAʼ CHE RÄ QASAMAJ: TQANAʼ RI NKINAʼ RI WINÄQ, KEʼAQʼALAJSAJ RE KʼUTUNÏK REʼ:

• 

  Taq ya Rubí kʼa runaj xapon, ¿achkë rubʼanik xkʼüt ya Rita chë xqʼax chwäch ri najin wä nunaʼ ya Rubí?

• 

  Taq ya Rubí xuʼij che rä ya Rita chë ma nrajoʼ ta nukʼül rutjonik rma kowan kosnäq, ¿achkë rubʼanik xkʼüt ya Rita chë xqʼax chwäch ri najin wä nunaʼ ya Rubí?

• 

  Taq ya Rubí xuʼij che rä ya Rita chë ma kan ta nqä chwäch njosqʼin, ¿achkë rubʼanik xkʼüt ya Rita chë xqʼax chwäch ri najin wä nuqʼaxaj ya Rubí?