Q-OK UTZILÄJ TAQ TIJONELAʼ | TANAʼ MÁS KIʼKʼUXLAL TAQ NATZJOJ LE BIBLIA
Keʼaksaj ri samajbʼäl ri xkatkitoʼ rchë xtanukʼuj kiwäch qawuj
Jehová ruyaʼon pä qasamajbʼal rchë ma kʼayewal ta nuʼän chqawäch yeqatoʼ ri winäq, achiʼel ri videos, tratados, revistas, folletos, libros chqä le Biblia, ri qasamajbʼal más ruqʼij (2Ti 3:16). Chqä ruyaʼon pä qasamajbʼal ri yojkitoʼ rchë nqaqʼalajsaj ri naʼoj ye kʼo chpan le Biblia. Jojun chkë riʼ ya riʼ ri Watchtower Library, ri aplicación JW Library®, ri KIKʼOJLIBʼÄL WUJ PA INTERNET Watchtower y ri Guía de estudio para los testigos de Jehová.
Rït kan jaʼäl xtanaʼ taq xtaksaj jontir ri qasamajbʼal yaʼon pä rchë xtanukʼuj más ruwäch le Biblia. Takʼutuʼ chkiwäch ri atijoxelaʼ achkë rubʼanik yekiksaj re samajbʼäl reʼ. Ke riʼ, ryeʼ chqä kiʼ kikʼuʼx xtkiʼän rma xtkïl kiqʼalajsaxik ri kikʼutunik chrij le Biblia.
TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. TQAKʼAMAʼ RI TOʼÏK YERUYAʼON PÄ JEHOVÁ CHQË: RI QASAMAJBʼAL YEYAʼON RCHË MÁS ÜTZ NQANUKʼUJ KIWÄCH QAWUJ, KEʼAQʼALAJSAJ RE KʼUTUNÏK REʼ:
¿Achkë xuʼij ya Rubí chrij jontir ri rubʼanon qa Dios?
¿Akuchï xkanuj wä ya Rita runaʼoj?
Taq yeqïl naʼoj chpan le Biblia chqä nqatzjoj chkë ri nkʼaj chik, ya riʼ nuʼän chë kiʼ qakʼuʼx nqaʼän.
¿Achkë rubʼanik xchaʼ ya Rita achkë naʼoj más xtkʼatzin che rä ya Rubí?
¿Achkë rubʼanik xtoʼ ya Rita ri xksaj qasamajbʼal ye kʼo?