RI BʼEYOMÄL YEQÏL CHPAN LE BIBLIA

Tqanmaj rutzij Jehová rkʼë ronojel qan

Caleb, kan kʼa akʼal na, xnmaj rutzij Jehová rkʼë ronojel ran (Jos 14:7, 8).

Taq ya xbʼä rujunaʼ, Caleb xkʼuqbʼaʼ rukʼuʼx chë Jehová xttoʼ rkʼë jun samaj ri kan kʼayewal rubʼanik (Jos 14:10-12; w04-S 1/12 12 peraj 2).

Caleb xkʼül ri xtzuj che rä rma kan rkʼë ronojel ran xyaʼ ruqʼij Jehová (Jos 14:13, 14; w06-S 1/10 18 peraj 11).

Achbʼäl ri akuchï nqʼalajin wä jun qachʼalal ixöq ri najin nutäj ruqʼij rchë nuyaʼ ruqʼij Jehová tapeʼ ya xbʼä rujunaʼ. 1. Ryä tzʼyül chqä rukʼwan jun ruchʼameʼy, y najin nchʼö rkʼë Jehová. 2. Ryä kʼo chrij exhibidor rkʼë jun qachʼalal qʼopoj. 3. Ryä nukʼüt jojun fotos chkiwäch kaʼiʼ akʼalaʼ ri ye kʼo pa ru-congregación. 4. Ryä kan tzeʼël ntzuʼun rma kan rukʼuqbʼan rukʼuʼx chrij Jehová.

Ri rukʼuqbʼäl kʼuʼx Caleb más xkowïr taq xtzʼët ri utzil xyaʼöx pa ruwiʼ rma xnmaj rutzij Jehová. Taq röj nqatzʼët chë Jehová nuyaʼ pä ri nqakʼutuj che rä chqä nukʼwaj qabʼey, kan más nuʼij riʼ qan nqayaʼ ruqʼij (1Jn 5:14, 15).