Keʼatoʼ atijoxelaʼ rchë ma kekachbʼilaj ta winäq ri ma ütz ta kinaʼoj

We qatijoxelaʼ nkajoʼ yeʼok rachiʼil Jehová, nkʼatzin yejeʼ kichiʼil ri ütz kinaʼoj (Sl 15:1, 4). Ri achiʼil riʼ xkekitoʼ rchë yë ri ütz xtkiʼän (Pr 13:20; lff tjonïk 48).

Taq xkeʼatoʼ atijoxelaʼ rchë ma yekachbʼilaj ta chik winäq ri ma ütz ta kinaʼoj, tatjaʼ aqʼij rchë nqʼax chawäch ri nkinaʼ, rma rkʼë jbʼaʼ ryeʼ kʼayewal nuʼän chkiwäch yekiyaʼ qa kichiʼil. Rma riʼ, tapeʼ ma ya riʼ ta ri qʼij ri nayaʼ rutjonik, takʼutuʼ chwäch chë nawajoʼ yatok rachiʼil. Rkʼë jbʼaʼ ütz natäq äl jun ru-mensaje, naskʼij äl o nabʼechʼaʼej. Taq ri atijoxelaʼ xtkowïr pä kikʼuqbʼäl kʼuʼx, taʼij chkë chë kekachbʼilaj ri qachʼalal. Ya riʼ xkerutoʼ rchë xtkitzʼët chë kan kʼïy utzil najin nkïl (Mr 10:29, 30). Rït chqä kiʼ akʼuʼx xtaʼän taq xtatzʼët chë ru-familia Jehová najin nkʼiyär.

TAQ XATZʼËT YÄN RI VIDEO KEQATOʼ RI WINÄQ RI NAJIN YEQATJOJ CHRIJ LE BIBLIA RCHË MA KEKACHBʼILAJ TA WINÄQ RI MA ÜTZ TA KINAʼOJ, KEʼAQʼALAJSAJ RE KʼUTUNÏK REʼ:

• ¿Achkë riʼ jun itzel achbʼilanïk? (1Co 15:33).

• ¿Achkë xquʼ ya Rubí chrij ri rubʼanik yekʼastan ri testigos de Jehová?

• ¿Achkë rubʼanik xtoʼöx ya Rubí rma ya Rita rchë xerujäl rachiʼil?