Keʼatoʼ atijoxelaʼ rchë ma nkiʼän ta chik itzel taq bʼanobʼäl

Rchë yeʼok rachiʼil Jehová, ri tijoxelaʼ kʼo chë ma nkiʼän ta chik itzel taq bʼanobʼäl (1Pe 1:14-16). Ya riʼ chqä xkerutoʼ rchë más ütz xkebʼä pa ki-familia, rchë ma kan ta xkeyawäj chqä rchë xtjeʼ rukʼuʼx kirajil.

Taʼij chkë atijoxelaʼ achkë nrajoʼ Jehová chë nqaʼän, achkë rma ütz nqaʼän riʼ chqä achkë utzil xtqïl we xtqaʼän. Keʼatoʼ rchë nkijäl rubʼanik yechʼobʼon, ya riʼ xkerutoʼ rchë eqal xtkismajij ri nkitamaj (Ef 4:22-24). Taʼij chkë chë Jehová ronojel mul xkerutoʼ pä rchë nkiyaʼ qa rubʼanik jun bʼanobʼäl tapeʼ kan ojer chik kibʼanon pä (Flp 4:13). Taʼij chkë chë tkikʼutuj kitoʼik che rä Jehová rchë ma yeqä ta pa mak taq nkinaʼ chë nkajoʼ nkiʼän chik jmul jun itzel bʼanobʼäl. Keʼatoʼ chqä rchë nkitzʼët achkë rubʼanik nkichajij kiʼ chwäch jun ri rkʼë jbʼaʼ nbʼanö chë xkeqä chik jmul pa mak, y taʼij chkë chë, pa rukʼexel nkiʼän ri ma ütz ta, tkibʼanaʼ ri kʼo utzil nuyaʼ qa pa kiwiʼ. Taq xtatzʼët chë rkʼë rutoʼik Jehová ri atijoxelaʼ xtkijäl kikʼaslemal, rït kan kowan kiʼ akʼuʼx xtaʼän.

TAQ XATZʼËT YÄN RI VIDEO KEQATOʼ RI WINÄQ RI NAJIN YEQATJOJ CHRIJ LE BIBLIA RCHË MA NKIʼÄN TA CHIK BʼANOBʼÄL RI ITZEL NUTZʼËT JEHOVÁ, KEʼAQʼALAJSAJ RE KʼUTUNÏK REʼ:

• 

  ¿Achkë kinaʼoj xkiʼän ri ukʼwäy taq bʼey chqä ya Rita taq ya Rubí xuʼij chkë chë nutäj marihuana?

• 

  ¿Achkë xuʼän ya Rita rchë xtoʼ ya Rubí?

• 

  ¿Achkë xuʼän ya Rubí rchë xtoʼöx pä rma Jehová?