«Ri chʼaʼoj pa ruqʼaʼ Jehová kʼo wä»

David xkʼuqbʼaʼ rukʼuʼx chrij Jehová rma retaman wä ruwäch chqä toʼon wä pä chik rma ryä (1Sa 17:36, 37; w19.12 20 peraj 18).

David ma xquʼ ta chë Goliat más ruchqʼaʼ chwäch ryä, xa kan xquʼ chë Jehová más ruchqʼaʼ chwäch Goliat (1Sa 17:45-47; w19.07 5 peraj 12).

Rkʼë rutoʼik Jehová, David xchʼakon chrij jun rukʼulel ri más ruchqʼaʼ chwäch ryä (1Sa 17:48-50; wp16.5-S 12 peraj 4; tatzʼetaʼ ri achbʼäl ri kʼo pä chwäch re wuj reʼ).

Kʼo mul kʼo chë nqapabʼaʼ qiʼ chkiwäch mamaʼ taq kʼayewal, achiʼel ri yeyaʼöx pa qawiʼ rma nqayaʼ ruqʼij Jehová o taq nkʼatzin nqayaʼ qa rubʼanik jun ri ma ütz ta nutzʼët ryä. Taq xtanaʼ chë jun kʼayewal kowan nüm, tnatäj chawä chë Jehová, ri kowan ruchqʼaʼ, kʼo awkʼë rchë yaturtoʼ pä (Job 42:1, 2).